ବେଟିଂ ର‌୍ୟାକେଟ୍ ଠାବ, ନଗଦ ୨୩ ଲକ୍ଷ ଜବତ

ଇନ୍ଦୋର: ମଧ୍ୟପ୍ରଦେଶ ପୁଲିସ ବୁଧବାର ଇନ୍ଦୋର ସହରରୁ ଅନ୍‌ଲାଇନ୍ ବେଟିଂ ର‌୍ୟାକେଟ୍ ଚଳାଇଥିବା ଅଭିଯୋଗରେ ଜଣେ ବ୍ୟକ୍ତିକୁ ଗିରଫ କରିଛି । ତାଙ୍କ ନିକଟରୁ ନଗଦ ୨୩ ଲକ୍ଷ ଟଙ୍କା, ୧.୨୫ କିଲୋ ଓଜନର ସୁନା ସମେତ ଗୋଟିଏ ଲାପ୍‌ଟପ୍ ଓ ୯ଟି ମୋବାଇଲ ମଧ୍ୟ ଜବତ କରାଯାଇଛି । ବର୍ତ୍ତମାନ କ୍ରିକେଟ ବିଶ୍ୱକପ ଚାଲିଥିବାବେଳେ ସଂଯୁକ୍ତ ଆରବ ଏମିରେଟ୍‌ରେ ସକ୍ରିୟ ଥିବା ଏକ ୱେବ୍‌ସାଇଟ୍ ଜରିଆରେ ଏହି ଅନ୍‌ଲାଇନ ବେଟିଂ କାର୍ଯ୍ୟ ଜାରି ରହିଥିଲା ବୋଲି ପୁଲିସ କହିଛି ।