ନୂଆଦିଲ୍ଲୀ: ଛତିଶଗହ ବିଧାନସଭା ନିର୍ବାଚନ ପାଇଁ ବୁଧବାର କଂଗ୍ରେସ ପକ୍ଷରୁ ଦ୍ୱିତୀୟ ପର୍ଯ୍ୟାୟରେ ୫୩ ଜଣ ପ୍ରାର୍ଥୀଙ୍କ ତାଲିକା ଘୋଷଣା କରାଯାଇଥିବାବେଳେ ମିଜୋରାମ ନିର୍ବାଚନ ପାଇଁ ବିଜେପି ପକ୍ଷରୁ ପ୍ରଥମ ଓ ଦ୍ୱିତୀୟ ପର୍ଯ୍ୟାୟରେ ମୋଟ ୨୧ ପ୍ରାର୍ଥୀଙ୍କ ତାଲିକା ଜାରି କରାଯାଇଛି । ପୂର୍ବତନ କଂଗ୍ରେସ ଭେଟେରାନ ମୋତିଲାଲ ଭୋରାଙ୍କ ପୁତ୍ର ଅରୁଣ ଭୋରାଙ୍କୁ ଦୁର୍ଗ ଆସନରୁ ପ୍ରାର୍ଥୀ କରାଯାଇଛି । ରାୟପୁର ସିଟି (ୱେଷ୍ଟ)ରୁ ବିକାଶ ଉପାଧ୍ୟାୟ, ରାୟପୁର ରୁରାଲରୁ ପଙ୍କଜ ଶର୍ମା, ରାୟପୁର ସିଟି (ସାଉଥ୍)ରୁ ମହନ୍ତ ରାମସୁନ୍ଦର ଦାସଙ୍କୁ ଟିକଟ ପ୍ରଦାନ କରାଯାଇଛି ।
ଏହାକୁ ମିଶାଇ ଛତିଶଗଡର ମୋଟ ୯୦ ମଧ୍ୟରେ ୮୩ ଜଣଙ୍କ ନାମ ପ୍ରକାଶ ପାଇଛି । ଅପରପକ୍ଷରେ ମିଜୋରାମ ପାଇଁ ବିଜେପି ପକ୍ଷରୁ ବୁଧବାର ଦୁଇଟି ପର୍ଯ୍ୟାୟରେ ମୋଟ ୨୧ ଜଣ ପ୍ରାର୍ଥୀଙ୍କ ନାମ ଘୋଷଣା କରାଯାଇଛି । ବିଜେପିର ପ୍ରମୁଖ ପ୍ରାର୍ଥୀଙ୍କ ମଧ୍ୟରେ ଭାନ୍ଲାଲମୁଆକା, ଲାଲରିନ୍ଲିଆନା ସାଇଲୋ, ପି.ଏସ.ଜାତ୍ଲୁଙ୍ଗା, ଲାଲନୁନ୍ମାୱିଆ ଚୁଆଙ୍ଗୋ ରହିଛନ୍ତି ।
