ବ୍ୟୁରୋ : ପଇଡ଼ ପାଣି ସ୍ବାସ୍ଥ୍ୟ ପାଇଁ ବେଶ ହିତକର । ଏଥିପାଇଁ ଅଧିକାଂଶ ଲୋକେ ସକାଳୁ ପଇଡ ପାଣି ପିଇବାକୁ ଭଲ ପାଆନ୍ତି। ଏହାକୁ ପିଇବା ଦ୍ୱାରା ଶରୀରର ଅନେକ ସମସ୍ୟା ଦୂର ହୋଇଥାଏ । ପଇଡ ପାଣିରେ ପାଣିରେ ପୋଟାସିୟମ୍, ସୋଡିୟମ୍, କାର୍ବୋହାଇଡ୍ରେଟ୍ ଏବଂ ଅନ୍ୟାନ୍ୟ ପୋଷକ ତତ୍ତ୍ୱ ପ୍ରଚୁର ପରିମାଣରେ ମିଳିଥାଏ । ଯାହା ସ୍ୱାସ୍ଥ୍ୟ ସମ୍ବନ୍ଧୀୟ ଅନେକ ସମସ୍ୟା ଦୂର କରିବାରେ ସାହାର୍ଯ୍ୟ କରିଥାଏ। କିନ୍ତୁ ଆପଣ ଜାଣନ୍ତି କି, ଅଧିକ ପରିମାଣରେ ପଉଡ ପାଣି ପିଇଲେ ସ୍ୱାସ୍ଥ୍ୟ ପାଇଁ ବହୁତ କ୍ଷତି ହୋଇପାରେ । ତେବେ ଆସନ୍ତୁ ଜାଣିବା, ପଇଡ ପାଣି ପିଇଲେ କଣ ସବୁ ସମସ୍ୟା ଦେଖାଦେଇଥାଏ ।
ମଧୁମେହ ରୋଗୀଙ୍କ ପାଇଁ କ୍ଷତିକାରକ :
ଯଦିଓ ପଇଡ଼ ପାଣି ଏକ ମିଠା ପାନୀୟ ନୁହେଁ, ଏଥିରେ କାର୍ବୋହାଇଡ୍ରେଟ୍ ଏବଂ କ୍ୟାଲୋରୀ ଅଧିକ ଥାଏ।ଯଦି ଆପଣ ଜଣେ ମଧୁମେହ ରୋଗୀ, ତେବେ ପଇଡ଼ ପାଣି ପିଇବା ଆପଣଙ୍କୁ ସୁସ୍ଥ କରିବା ବଦଳରେ କ୍ଷତି ପହଞ୍ଚାଇ ଥାଏ ।
ନିମ୍ନ ରକ୍ତଚାପ ରୋଗୀ:
ଯେଉଁମାନଙ୍କର ନିମ୍ନ ରକ୍ତଚାପ ବା ଲୋ ବିପି ସମସ୍ୟା ଥାଏ, ସେମାନଙ୍କ ପାଇଁ ପଇଡ଼ ପାଣି ଖାଇବା କ୍ଷତିକାରକ ହୋଇପାରେ । ଯଦି ଆପଣ ଜଣେ ଲୋ ବିପି ରୋଗୀ,ପଇଡ଼ ପାଣି ପିଇବା ପୂର୍ବରୁ ଡାକ୍ତରଙ୍କୁ ସହିତ ପରାମର୍ଶ କରନ୍ତୁ ।
ଡାଇରିଆ ସମସ୍ୟା:
ଯଦି ଆପଣ ନଡ଼ିଆ ପାଣିକୁ ଅଧିକ ପିଅନ୍ତି, ତେବେ ଏହା ଦ୍ବାରା ଆପଣ ଡାଇରିଆର ଶୀକାର ହୋଇପାରନ୍ତି। ଏଥିରେ ପୋଟାସିୟମ ଅଧିକ ପରିମାଣରେ ମିଳିଥାଏ, ଯାହା ଡାଇରିଆ ସୃଷ୍ଟି କରିଥାଏ ।
ପାଦ ଫୁଲିବା ଭଳି ସମସ୍ୟା ଦେଖାଦିଏ :
ଅଧିକ ପରିମାଣରେ ପଇଡ଼ ପାଣି ପିଇବା ଦ୍ବାରା ଥଣ୍ତାରୁ ପାଦ ଫୁଲିବା ଭଳି ସମସ୍ୟା ଦେଖାଦିଏ। ତେଣୁ, ଏକ ସୁସ୍ଥ ଖାଦ୍ୟ ବ୍ୟତୀତ, ସୀମିତ ପରିମାଣରେ ନଡ଼ିଆ ପାଣି ପିଅନ୍ତୁ ।
କିଡ଼ନୀ ପାଇଁ କ୍ଷତିକାରକ :
ପଇଡ଼ ପାଣିରେ ପୋଟାସିୟମ ପ୍ରଚୁର ପରିମାଣରେ ମିଳିଥାଏ । ଯାହା କିଡନୀ ଉପରେ ପ୍ରଭାବ ପକାଇପାରେ । ଯଦି ଆପଣ କିଡନୀ ରୋଗୀ, ତେବେ ପଇଡ ପାଣି ପିଇବା ପୂର୍ବରୁ ଡାକ୍ତରଙ୍କୁ ସହିତ ପରାମର୍ଶ କରନ୍ତୁ।
ଓଜନ ବଢିପାରେ :
ପଇଡ଼ ପାଣିରେ କ୍ୟାଲୋରୀ ଅଧିକ ଥାଏ । ଏପରି ପରିସ୍ଥିତିରେ, ଯଦି ଆପଣ ଅଧିକ ପଇଡ ପାଣି ପିଅନ୍ତି, ତେବେ ଆପଣଙ୍କର ଓଜନ ବଢିପାରେ। ସେଥିପାଇଁ ଆପଣ ସୀମିତ ପରିମାଣରେ ପଇଡ ପାଣି ପିଅନ୍ତୁ ।
