ନୁଆଦିଲ୍ଲୀ: ବିଦେଶରେ ମୋଦି କ୍ରେଜ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଦେଶରେ ସାଉଁଟୁଛନ୍ତି ଲୋକପ୍ରିୟତା । ବ୍ରିଟେନ ଖବରକାଗଜ ‘ଦ ଟେଲିଗ୍ରାଫ’ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଲିଡରସିପକୁ ଖୁବ ପ୍ରଶଂସା କରାଯାଇଛି । ବ୍ରିଟିଶ ଲେଖକ ବେନ ରାଇଟଙ୍କ ଦ୍ୱାରା ଲିଖିତ ଏକ ଆଲେଖ୍ୟରେ କୁହାଯାଇଛି, ପ୍ରଧାନମନ୍ତ୍ରୀଙ୍କ ଶାସନ ସମୟରେ ରାଜନୈତିକ ସ୍ଥିରତା ଦେଖିବାକୁ ମିଳିଛି । ଏହା ଦ୍ୱାରା ଆଇନ ବ୍ୟବସ୍ଥା ତଥା ଦେଶର ବୁନିଆଦି ଢାଞ୍ଚାରେ ସୁଧାର ଆଣିବାର ରାସ୍ତା ପରିଷ୍କାର ହୋଇଛି ।
ପ୍ରଧାନମନ୍ତ୍ରୀ ମୋଦି ଭାରତକୁ ବିଶ୍ୱର ତୃତୀୟ ବୃହତ ଅର୍ଥ ବ୍ୟବସ୍ଥା କରିବାର ପ୍ରତିଶ୍ରୁତି ଦେଇଛନ୍ତି । ଏହି ଆଲେଖ୍ୟରେ ଏହାକୁ ଏକ ଯଥାର୍ଥବାଦୀ ଲକ୍ଷ୍ୟ କୁହାଯାଉଛି । ରାଇଟ ଲେଖିଛନ୍ତି, ପ୍ରଧାନମନ୍ତ୍ରୀ ପ୍ରତିଶ୍ରୁତି ଦେଇଛନ୍ତି, ଯଦି ଆଗାମୀ ନିର୍ବାଚନ ସେ ଜିତନ୍ତି ତେବେ ତାଙ୍କ ତୃତୀୟ ପର୍ଯ୍ୟାୟ ଶାସନର ଶେଷ ସୁଦ୍ଧା ଭାରତ ବିଶ୍ୱର ତୃତୀୟ ବୃହତ ଅର୍ଥବ୍ୟବସ୍ଥା ହେବ । ଏହା ଏକ ମହତ୍ୱପୂର୍ଣ୍ଣ ଲକ୍ଷ୍ୟ । ଭାରତର ଡିଡିପି ୩.୭ ଟ୍ରିଲିୟନ ଡଲାର ଅଟେ । ଏହାକୁ ୨୦୨୯ ସୁଦ୍ଧା ଜର୍ମାନୀ(୪.୨ ଟ୍ରିଲିୟନ) ଏବଂ ଜାପାନ( ୪.୪ ଟ୍ରିଲିୟନ) ପରି ଦେଶମାନଙ୍କୁ ପଛରେ ପକାଇବା ଆବଶ୍ୟକ ।
