ଟ୍ରକ୍ ମଡ଼ାଇ ପୁଲିସ କନ୍‌ଷ୍ଟେବଳଙ୍କୁ ହତ୍ୟା

ବେଙ୍ଗାଲୁରୁ : କର୍ଣ୍ଣାଟକର କାଲାବୁରାଜି ଜିଲ୍ଲାରେ ବାଲି ମାଫିଆମାନେ ଟ୍ରକ୍ ମଡାଇ ଜଣେ ପୁଲିସ କନ୍‌ଷ୍ଟେବଳଙ୍କୁ ହତ୍ୟା କରିଥିବା ଜଣାପଡିଛି । ବେଆଇନ ବାଲି ଉଠାଣ ଚାଲିଥିବାବେଳେ ସେଠାରେ ପାଟ୍ରୋଲିଂ କରୁଥିବା ୫୧ ବର୍ଷୀୟ ଏହି କନଷ୍ଟେବଳ ଘଟଣାସ୍ଥଳରେ ପହଞ୍ଚିବା ସହ ଗୋଟିଏ ଟ୍ରକ୍‌କୁ ଅଟକାଇବାକୁ ଉଦ୍ୟମ କରିଥିଲେ । ତେବେ ଟ୍ରକ୍ ଡ୍ରାଇଭର ଉଦ୍ଦେଶ୍ୟମୂଳକଭାବେ ତାଙ୍କ ଉପରେ ଚଢିଯିବା ଫଳରେ କନଷ୍ଟେବଳଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିଲା । ପୁଲିସ ଉକ୍ତ ଟ୍ରକ୍‌କୁ ଜବତ କରିଥିବାବେଳେ ଡ୍ରାଇଭରକୁ ଗିରଫ କରିଛି ।