ବିହାର: ବିହାରର ସରାନ ଜିଲ୍ଲାର ଏକ ଘରୋଇ ହସ୍ପିଟାଲରେ ଜଣେ ମହିଳା ଏକ ଅଦ୍ଭୁତ ଶିଶୁ ଜନ୍ମ ଦେଇଛନ୍ତି । ସାଧାରଣ ପିଲାଠାରୁ ଅଲଗା, ଏହି ଶିଶୁର ୪ଟି ହାତ ଓ ୪ଟି ଗୋଡ ରହିଛି ଓ ମୁଣ୍ଡ ମଧ୍ୟ ଏକ ଅଦ୍ଭୁତ ଆକୃତିର ରହିଛି । ହସ୍ପିଟାଲରେ ଏହି ଝିଅଟିର ଜନ୍ମ ହୋଇଥିଲେ, ଯାହା ପରେ ଏହି ଝିଅଟିକୁ ଦେଖିବା ପାଇଁ ଏଠାରେ ଲୋକମାନଙ୍କର ଭିଡ଼ ଜମିଥିଲା । ସୋମବାର ଦିନ ବିଳମ୍ବିତ ରାତିରେ ଏହି ଘଟଣା ଘଟିଥିବା କୁହାଯାଉଛି । ତେବେ ଜନ୍ମର କିଛି କ୍ଷଣ ମଧ୍ୟରେ ଏହି ଅଦ୍ଭୁତ ଝିଅତୁ ମରିଯାଇଥିଲା ।
ଏହି ମାମଲା ଛପରା ସହର ସହିତ ଜଡିତ । ଏହି ଅଦ୍ଭୁତ ନବଜାତ ଝିଅକୁ ସହରର ଶ୍ୟାମ ଚାକର ଏକ ନର୍ସିଂହୋମରେ ପ୍ରସୁତା ପ୍ରିୟ ଦେବୀ ନାମକ ଜଣେ ମହିଳା ଜନ୍ମ ଦେଇଥିଲେ । ହସ୍ପିଟାଲରେ ଉପସ୍ଥିତ ଥିବା କର୍ମଚାରୀ ଓ ରୋଗୀମାନେ ଝିଅ ବିଷୟରେ ସୂଚନା ପାଇବା ମାତ୍ରେ ଏହା ଲୋକଙ୍କ ମଧ୍ୟରେ ଚର୍ଚ୍ଚାର ବିଷୟ ପାଲଟିଥିଲା । ଏହି ଅଦ୍ଭୁତ ଝିଅଟିର କେବଳ ଗୋଟିଏ ମୁଣ୍ଡ ଥିଲା କିନ୍ତୁ ଏହାର ଚାରି କାନ, ଚାରି ଗୋଡ, ଚାରି ହାତ, ଦୁଇଟି ହୃଦୟ ଓ ଦୁଇଟି ମେରୁଦଣ୍ଡ ହାଡ ଥିଲା । କୁହାଯାଉଛି ଯେ ଶିଶୁ ଜନ୍ମ ପରେ ହସ୍ପିଟାଲର କର୍ମଚାରୀମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ ।
କୁନି ଶିଶୁକୁ ହସ୍ପିଟାଲରେ ଅପରେସନ୍ ଦ୍ୱାରା ବାହାର କରାଯାଇଥିଲା । ସେତେବେଳେ ନବଜାତ ଶିଶୁ ଜୀବିତ ଥିଲେ । ପ୍ରାୟ ୨୦ ମିନିଟ୍ ପରେ ଝିଅର ମୃତ୍ୟୁ ହୋଇଥିଲା । ଏହି ପରିପ୍ରେକ୍ଷୀରେ ହସ୍ପିଟାଲର ନିର୍ଦ୍ଦେଶକ ଡକ୍ଟର ଅନିଲ କୁମାର କହିଛନ୍ତି ଯେ ଏହା ଖୁବ୍ କମ୍ ଲୋକଙ୍କଠାରେ ଦେଖାଯାଏ । ଗର୍ଭାଶୟରେ ସମାନ ଅଣ୍ଡାରୁ ଦୁଇ ଶିଶୁ ସୃଷ୍ଟି ହେଲେ ଏହା ହୁଏ । ଏହି ପ୍ରକ୍ରିୟାରେ, ଯଦି ଉଭୟ ଠିକ୍ ସମୟରେ ଅଲଗା ହୁଅନ୍ତି, ତେବେ ଯାଆଁଳା ସନ୍ତାନ ଜନ୍ମ ହୁଏ, କିନ୍ତୁ କୌଣସି କାରଣରୁ ଉଭୟ ଅଲଗା ହେବାକୁ ଅସମର୍ଥ ହେଲେ, ସେହି ପରିସ୍ଥିତିରେ ଏପରି ପିଲାମାନେ ଜନ୍ମ ହୁଅନ୍ତି । କେବଳ ଏତିକି ନୁହେଁ, ଜନ୍ମ ସମୟରେ ମଧ୍ୟ ଜଣେ ଗର୍ଭବତୀ ମହିଳାଙ୍କୁ ଅନେକ ସମସ୍ୟାର ସାମ୍ନା କରିବାକୁ ପଡିଥାଏ ।
