ସଇଁନ୍ତଲା : ସଇଁନ୍ତଲା ଥାନା ଅନ୍ତର୍ଗତ ଟିକ୍ରାପଡ଼ା ଫାଣ୍ଡି ଅଧିନସ୍ଥ ଦେଓଗାଁ ଗୋଷ୍ଠି କେନ୍ଦ୍ର ନିକଟରେ ଯୁବକଙ୍କ ରକ୍ତ ଜୁଡୁବୁଡୁ ଅବସ୍ଥାରେ ଯୁବକଙ୍କ ମୃତଦେହ ଉଦ୍ଧାର କରିଛି ଟିକ୍ରାପଡ଼ା ପୁଲିସ । ସୁଚନା ମୋତେ ଦେଓଗାଁର ବୁଦ୍ଧଦେବ ନାଗ (୨୯) ଗତ ବିଲମ୍ବିତ ରାତ୍ରିରେ ଘରୁ କିଛି ଯୁବକଙ୍କ ସହିତ ଆସି ଘରକୁ ଫେରି ନଥିଲେ ।
ଆଜି ସକାଳୁ ପରିବାର ଲୋକେ ଖୋଜାଖୋଜି କରିବା ପରେ ଗାଁ ଶେଷ ମୁଣ୍ଡରେ ଥିବା ଗୋଷ୍ଠି କେନ୍ଦ୍ର ନିକଟରୁ ରକ୍ତ ଜୁଡୁବୁଡୁ ଅବସ୍ଥାରେ ମୃତଦେହ ଦେଖିବାକୁ ପାଇଥିଲେ । ମୁଣ୍ଡରେ ଗଭୀର ଆଘାତ ମଧ୍ୟ ଲାଗିଛି। ନିକଟରେ ରକ୍ତ ଛିଟା ପଥରରେ ଥିବା ଯୋଗୁ ପଥର ଛେଚି ହତ୍ୟା କରାଯାଇଥିବା ପରିବାର ଲୋକେ ସନ୍ଦେହ କରୁଛନ୍ତି।
ଯୁବକଙ୍କ ନିକଟରେ ଏକ ହଳ ଜୋତା ପଡ଼ି ରହିଛି । ପୂର୍ବକୁ ଶତ୍ରୁତା କେନ୍ଦ୍ର କରି ହତ୍ୟା କରାଯାଇଛି ନା ପ୍ରେମ ସମ୍ପର୍କରୁ ଏଭଳି ନିର୍ମମ ହତ୍ୟା କରାଯାଇଛି ତାହା ଅସ୍ପଷ୍ଟ ରହିଛି। ଘଟଣା ସ୍ଥଳକୁ ଟିଟିଲାଗଡ ଏସଡିପିଓ ଅଙ୍କିତା କୁମ୍ଭାର ଓ ସଇଁନ୍ତଲା ପୁଲିସ ଘଟଣାର ତଦନ୍ତ ଆରମ୍ଭ କରିଛନ୍ତି।
