ମାଲକାନଗିରି ଜିଲ୍ଲାରେ କାଳ ବୈଶାଖୀର ତାଣ୍ଡବ, ଉପୁଡିଲା ଗଛ ଭାଙ୍ଗିଲା ଘର

ମାଲକାନଗିରି: ମାଲକାନଗିରି ଜିଲ୍ଲା କାଲିମେଳା, ପଡିଆ ଓ କୋରକୁଣ୍ଡା ବ୍ଲକର ବିଭିନ୍ନ ସ୍ଥାନରେ କାଳ ବୈଶାଖିର ତାଣ୍ଡବଲୀଳା ଦେଖିବାକୁ ମିଳିଛି। ଅନେକ ପଞ୍ଚାୟତ ଘର ଭାଙ୍ଗିବା ସହ ରାଜ ରାସ୍ତାରେ ଗଛ ଉପୁଡି ରାସ୍ତା ହୋଇଛି ଅବରୋଧ ।ଲୋକ ମାନଙ୍କ ଘର ଛପର ଉଡିଯିବା ସହ ଲକ୍ଷାଧିକ ଟଙ୍କାର ସମ୍ପତି ନଷ୍ଟ ହୋଇ ଥିବା ଜଣା ପଡ଼ିଛି। ବିଶେଷ କରି ପଡିଆ ବ୍ଲକସ୍ଥ ମାଟେରୁ, ନିଲିଗୁଡା, ଧର୍ମପାଲି, ଇରାଲଗୁଣ୍ଡି, ପ୍ରଶନପାଲି, ଗ୍ରାମରେ ଆମ୍ବ ମହୁଲ ଗଛ ଉପୁଡି ପଡି ଅନେକ ଘର ଭାଙ୍ଗି ଯାଇଛି। ସେହିପରି କାଲିମେଳା ବ୍ଲକର କୋଇମେଟଲା ପଞ୍ଚାୟତ ସଦର କୋଇମେଟଲା ଗ୍ରାମରେ ଭିମା ମାଢି, ଗଙ୍ଗା ମାଡକାମୀ, ସହ ଗ୍ରାମର ମାଢି ଗୋଷ୍ଠୀ ପକ୍ଷରୁ କରାଯାଇଥିବା ମନ୍ଦିର ସମ୍ପୂର୍ଣ ଛପର ଉଡିଯାଇ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଯାଇଛି । ସେହିପରି ଗ୍ରାମର ଅନେକ ଲୋକଙ୍କ ଘର ଛପର ଉଡି ଯାଇଥିବା ଅନୁମାନ କରାଯାଇଛି , କିନ୍ତୁ ସଠିକ ତଥ୍ୟ ମିଳି ପାରି ନାହିଁ ।