*ମହିଳାଙ୍କୁ ସମ୍ମାନ ଦେବାରେ ରାଜ୍ୟ ସରକାରଙ୍କ ଆତ୍ମପ୍ରଚାର ଅଧିକ
: ସ୍ମୃତି ପଟ୍ଟନାୟକ*
ଗତଦୁଇଦିନ ଭିତରେ ଘଟିଥିବା କେନ୍ଦ୍ରାପଡା ବିଧାୟକ ଶଶୀଭୂଷଣ ବେହେରା ଏବଂ ବଲାଙ୍ଗିରର ଅନଙ୍ଗ ଉଦୟ ସିଂହଦେଓଙ୍କର ବୋହୂଙ୍କୁ ସରକାର ନ୍ୟାୟ ଦେବାରେ ସମର୍ଥ ହେବେ ତ?
ଏହି ଉଚ୍ଚଶିକ୍ଷିତା ଦୁଇ ମହିଳାଙ୍କ ବେଦନା ତଥା ଅଭିଯୋଗ ନବୀନ ବାବୁଙ୍କ କାନରେ ପଡିଛି ନା ନାହିଁ?
ଏମାନେ କଣ ନବୀନ ବାବୁଙ୍କର ମୋ ଓଡ଼ିଶା ପରିବାରର ସଦସ୍ୟ ନୁହନ୍ତି କି?
ତିର୍ତୋଲର ବିଜୟ ଶଙ୍କର ଦାସଙ୍କୁ ତାଙ୍କ ସାହାସୀ କାର୍ଯ୍ୟ ପାଇଁ ନୂଆ କରି ବିଜୁ ରତ୍ନ ପୁରଷ୍କୃତ କରାଯାଉ!
ରାଜ୍ୟ ସରକାରଙ୍କର ନିରବତାକୁ ଓଡ଼ିଶାବାସୀ ପ୍ରଶ୍ନ କରୁଛନ୍ତି, ଏ ସରକାରକୁ ମୁଖ୍ୟମନ୍ତ୍ରୀ ନା ଆଉ କିଏ ଚଳାଉଛି?
ଭୁବନେଶ୍ୱର : ମହିଳା ସଶକ୍ତୀକରଣ ନାଁରେ ବିଜେଡି ସରକାରଙ୍କ ମହିଳାଙ୍କୁ ଶୋଷଣ କରୁଛି । ମୁଖ୍ୟମନ୍ତ୍ରୀଙ୍କ ନିଜ ଦଳର ମହିଳାମାନେ ଅସୁରକ୍ଷିତ, ତାଙ୍କ ଅଭିଯୋଗ ଶୁଣିବାକୁ କେହି ନାହାନ୍ତି । ନା ଥାନା, ନା ମୁଖିଆ (ମାନ୍ୟବର ମୁଖ୍ୟମନ୍ତ୍ରୀ) ବରଂ ଧମକ ଚମକ, ପ୍ରଲୋଭନ ଦ୍ୱାରା ମାମଲାକୁ ଚପେଇ ଦିଆଯାଉଛି । ବାଧ୍ୟ୍ୟବାଧକତା ତଦନ୍ତ ହେଲେ କ୍ଷମତାର ଅପବ୍ୟବହାର କରି ତଦନ୍ତକୁ ବାଟବଣା କରି ଦିଆଯାଉଛି । ମୁଖ୍ୟମନ୍ତ୍ରୀ ଧୃତରାଷ୍ଟ୍ର ସାଜି ନିଜ ଦଳର ନେତା ଓ ମନ୍ତ୍ରୀଙ୍କୁ ସୁରକ୍ଷା ଯୋଗାଇ ମହିଳାଙ୍କ ପ୍ରତି ଅନ୍ୟାୟ କରିବାକୁ ପ୍ରୋତ୍ସାହିତ କରୁଛନ୍ତି । ଗତକାଲି ଘଟଣା ଉପରେ ଦୃଷ୍ଟିଦେଲେ ସ୍ପଷ୍ଟ ଜଣାପଡୁଛି ବିଜେଡି ମହିଳାଙ୍କୁ କିଭଳି ସୁରକ୍ଷା ଦେଉଛି । ବିଜେଡିର ପୂର୍ବତନ ମନ୍ତ୍ରୀ ତଥା ବଲାଙ୍ଗିରର ରାଜପରିବାରର ଅନଙ୍ଗ ଉଦୟ ସିଂହଦେଓ, ତାଙ୍କ ପତ୍ନୀ, ବଡପୁଅ ତଥା ପୂର୍ବତନ ସାଂସଦ କଳିକେଶ ସିଂହଦେଓ, ବଡ ବୋହୂ ଓ ସାନପୁଅ ଅର୍କେଶ ସଂହଦେଓଙ୍କ ନାଁରେ ଯୌତୁକ ନିର୍ଯ୍ୟାତନା ଦେଲେ ସାନବୋହୂ । ଅନ୍ୟ ଜଣେ ହେଲେ ବିଜେଡିର ପୂର୍ବତନ ମନ୍ତ୍ରୀ ତଥା ବର୍ତମାନର କେନ୍ଦ୍ରାପଡା ବିଧାୟକ ଶଶୀଭୂଷଣ ବେହେରାଙ୍କ ନାଁରେ ଯୌତୁକ ଅଭିଯୋଗ କରିଛନ୍ତି ପୁତ୍ରବଧୂ । ଏହି ଦୁଇ ମହିଳାଙ୍କୁ ରାଜ୍ୟ ସରକାର ନ୍ୟାୟ ଦେବାରେ ସମର୍ଥ ହେବେ କି ବୋଲି ପ୍ରଶ୍ନ କରିଛନ୍ତି ମହିଳାମୋର୍ଚ୍ଚା ରାଜ୍ୟ ସଭାନେତ୍ରୀ ସ୍ମୃତି ପଟ୍ଟନାୟକ ।
ଆଜି ରାଜ୍ୟ କାର୍ଯ୍ୟାଳୟରେ ସାମ୍ବାଦିକ ସମ୍ମିଳନୀ କରି ଶ୍ରୀମତୀ ପଟ୍ଟନାୟକ କହିଛନ୍ତି ଯେ, ୨.୫କୋଟି ମା ଓ ଭଉଣୀଙ୍କ ଆଖିର ଲୁହ ଓ ଆକ୍ରୋଶରେ ଧ୍ୱଂସ ପାଇବ ଏହି ଅନ୍ୟାୟୀ ବ୍ୟଭିଚାର ବିଜେଡି ସରକାର । ରାଜ୍ୟ ସରକାରଙ୍କ ଖାମଖିଆଲ ନୀତି ଓ ଗୃହବିଭାଗର ପରିଚାଳନାର ଅଯୋଗ୍ୟତା ପାଇଁ ଓଡ଼ିଶାରେ ପ୍ରତ୍ୟେକ ଅଢ଼େଇ ଘଂଟାରେ ଜଣେ ମହିଳା ଦୁଷ୍କର୍ମରେ ଶିକାର ହେଉଛନ୍ତି । ମହିଳାଙ୍କୁ ନିର୍ଯ୍ୟାଚନା କ୍ଷେତ୍ରରେ ଓଡ଼ିଶା ୧ନଂରେ ପଂହଚିଛି । ଓଡ଼ିଶାରେ ଦୁଷ୍କର୍ମକାରୀଙ୍କୁ ଦଣ୍ଡ ଦେବାରେ ନବୀନ ବାବୁ ବିଫଳ । ବିଜେଡିର ବିଧାୟକମାନେ ନବୀନ ବାବୁଙ୍କ ପାଇଁ ଦୁଷ୍କର୍ମ, ନିର୍ଯ୍ୟାତନା ଦେବାରେ ସିଦ୍ଧହସ୍ତ ହାସଲ କରିଛନ୍ତି ।
ତିର୍ତୋଲ ବିଧାୟକ ବିଜୟ ଶଙ୍କର ଦାସ ସେକ୍ସ ର୍ୟାକେଟ ଓ ବିଭିନ୍ନ ଯୁବତୀଙ୍କୁ ପ୍ରଲୋଭନ ଦେଖାଇ ଶାରୀରିକ ସମ୍ପର୍କ ରଖିବା ନେଇ ବାନ୍ଧବୀ ସୋନାଲୀ ଦାସ ମଧ୍ୟ ଅଭିଯୋଗ କରିଥିଲେ । ଏ ଘଟଣା ସମ୍ପର୍କରେ ପୋଲିସ ପ୍ରଶାସନ ଜାଣି ବି କୌଣସି କାର୍ଯ୍ୟାନୁଷ୍ଠାନ ନେଲା ନାହିଁ । ଓଡ଼ିଶାରେ ମହିଳା ଦୁଷ୍କର୍ମ କିମ୍ବା ନିର୍ଯ୍ୟାତନାରେ ଶିକାର ହେଲେ ପୋଲିସ ଓ ରାଜ୍ୟ ସରକାର କାହିଁକି ନିଷ୍କ୍ରିୟତା ଦେଖାନ୍ତି ତାହା ଓଡ଼ିଶାର ଅଢ଼େଇ କୋଟି ମହିଳାଙ୍କ ମନରେ ପ୍ରଶ୍ନ ଉଠିଛି । ଶ୍ରୀ ମିଶ୍ରଙ୍କ ଏଭଳି ଶାହସିକତା ପାଇଁ ତାଙ୍କୁ ନୂଆ କରି ବିଜୁ ରତ୍ନ ପୁରଷ୍କୃତ କରାଯାଉ ବୋଲି ଶ୍ରୀମତୀ ପଟ୍ଟନାୟକ କହିଛନ୍ତି ।
ଓଡ଼ିଶାରେ ମୂରବିହୀନ, ଦିଶାହିନ ଏବଂ ଆଇନ ବିହିନ କୁଶାସନ ଚାଲୁଥିବାରୁ ଏହାର ଫଳ ଭୋଗୁଛନ୍ତି ରାଜ୍ୟବାସୀ । ଓଡ଼ିଶାରେ ଶାସନ ଚଳାଉଛି କିଏ? ଶାସନ ବିଷୟରେ କହୁଛି କିଏ? ଶାସନର ଗତି କୁଆଡେ? ଓଡ଼ିଶାରେ ନ୍ୟାୟ ଭିକ୍ଷା କରୁଥିବା ପୀଡିତା ମା ଓ ଭଉଣୀମାନେ ହତାଶ ହୋଇ ପଡିଛନ୍ତି । ଜଣେ ହେଲେ ମହିଳାଙ୍କୁ ନ୍ୟାୟ ଦେଇ ପାରିଲେ ନାହିଁ ମୁଖ୍ୟମନ୍ତ୍ରୀ ବୋଲି ଶ୍ରୀମତୀ ପଟ୍ଟନାୟକ ଉଦ୍ବେଗ ପ୍ରକାଶ କରିଛନ୍ତି ।
ବିଜେଡି ନେତାଙ୍କ ବିରୋଧରେ ନାରୀ ନିର୍ଯାତନା ଏବେ ଦାଣ୍ଡରେ ପଡି ହାଟରେ ଗଡୁଛି । ଡ୍ରଜନେରୁ ଅଧିକ ବିଜେଡି ନେତାଙ୍କ ନାଁରେ ପାରିବାରିକ ହିଂସା ଓ ନାରୀ ନିର୍ଯାତନା ଭଳି ସଙ୍ଗୀନ ଅଭିଯୋଗ ଅଛି । ପୂର୍ବରୁ ବିଜେଡିର ମନ୍ତ୍ରୀ ରଘୁନାଥ ମହାନ୍ତି ନାଁରେ ମଧ୍ୟ ତାଙ୍କ ବୋହୂ ବର୍ଷାସୋନୀ ଯୌତୁକ ଅଭିଯୋଗ କରିଥିଲେ । ବର୍ତମାନ ବିଜେଡି ସରକାର ମାଆକୁ ସମ୍ମାନ, ମହିଳା ସଶକ୍ତିକରଣ, ଉଚ୍ଚଶିକ୍ଷିତ ମହିଳାଙ୍କ ସମ୍ମାନ ଦେବା ଡିଣ୍ଡିମ ପିଟୁଛି କିନ୍ତୁ ବାସ୍ତରେ ମହିଳାଙ୍କ ନାଁନେଇ ନିଜର ପ୍ରଚାର ପ୍ରସାର କରୁଛି । ମହିଳାଙ୍କୁ ଯଦି ରାଜ୍ୟ ସରକାର ସମ୍ମାନ ଦେଉଛନ୍ତି ତାହାଲେ ତାଙ୍କ ଦଳର ବିଧାୟକଙ୍କ ନାଁରେ କାହିଁକି ନିର୍ଯ୍ୟାତନା ମାମଲା ଆସୁଛି ତାହାର ଜବାବ ରଖନ୍ତୁ ବୋଲି ଶ୍ରୀମତୀ ପଟ୍ଟନାୟକ ଦାବି କରିଛନ୍ତି ।
ଏହି ସାମ୍ବାଦିକ ସମ୍ମିଳନୀରେ ରାଜ୍ୟ ସଂପାଦିକା ପିଙ୍କି ପ୍ରଧାନ, ମହିଳାମୋର୍ଚ୍ଚା ଉପସଭାନେତ୍ରୀ କସ୍ତୁରୀ ମିଶ୍ର, ମହିଳାମୋର୍ଚ୍ଚା ଗଣମାଧ୍ୟମ ସଂଯୋଜିକା ସୁଚରିତା ଜେନାମଣି ପ୍ରମୁଖ ଉପସ୍ଥିତ ଥିଲେ ।
