କାଠମାଣ୍ଡୁ : ହିମାଳୟ ପର୍ବତରୁ ଚେରମୂଳି ସଂଗ୍ରହ କରିବାକୁ ନେପାଳର ଦାର୍ଚୁଲଶ ଜିଲ୍ଲାକୁ ଯାଇଥିବାବେଳେ ହିମସ୍ଖଳନ ଯୋଗୁଁ ମଙ୍ଗଳବାର ୬ ଜଣ ନିଖୋଜ ହୋଇଛନ୍ତି । ତେବେ ବୁଧବାର ୩ଜଣଙ୍କ ମୃତଦେହ ଠାବ କରାଯାଇଛି । ଏମାନଙ୍କ ମଧ୍ୟରେ ଦୁଇ ମହିଳା ଓ ଜଣେ ପୁରୁଷ ଅନ୍ତର୍ଭୁକ୍ତ ।
ଯୌନ ଦକ୍ଷତା ବୃଦ୍ଧି କରିବାକୁ ଉଦ୍ଦିଷ୍ଟ ‘ୟର୍ସଗୁମ୍ବା’ ନାମକ ଚେରମୂଳି ସଂଗ୍ରହ କରିବାକୁ ୧୨ ଜଣିଆ ଦଳ ହିମାଳୟ ପର୍ବତର ପାଦଦେଶରେ ଶିବିର ପକାଇଥିଲେ । ତେବେ ହିମସ୍ଖଳନ ଯୋଗୁଁ ୬ ଜଣ ନିଖୋଜ ହୋଇଥିଲେ । ପୁଲିସ ଓ ସ୍ଥାନୀୟ ଲୋକଙ୍କ ସହାୟତାରେ ୩ଟି ମୃତଦେହ ଠାବ କରାଯାଇଛି । ସେମାନଙ୍କ ଚିହ୍ନଟ ପ୍ରକ୍ରିୟା ଜାରି ରହିଛି ।
