ଗୋପାଳ ପାଗଳ ବୋଲି ନରସିଂହ ବାବୁଙ୍କୁ କିଏ କହିଥିଲା?
ନିଜେ କହିଥିଲେ ଗୋପାଳ ପାଗଳ, ଏବେ କହୁଛନ୍ତି ପାଗଳ ନୁହେଁ
ନିଜକୁ ବିଜେପିର ପ୍ରବକ୍ତା ଭାବି ବୟାନ ଦେଉଛନ୍ତି ନରସିଂହ ବାବୁ
ରାଜନୈତିକ ଫାଇଦା ପାଇଁ ଜାଣିଶୁଣି ନ୍ୟାରେଟିଭ୍ ତିଆରି କରିବାକୁ ଚେଷ୍ଟା କରୁଛନ୍ତି
ଭୁବନେଶ୍ୱର, ୨୦/୦୩/୨୦୨୩: ସ୍ୱର୍ଗତ ନବକିଶୋର ଦାସ ଦୀର୍ଘବର୍ଷ ଧରି ଶ୍ରୀ ନରସିଂହ ମିଶ୍ରଙ୍କର ଜଣେ ଘନିଷ୍ଠ ସହଯୋଗୀ ଭାବେ କାର୍ୟ୍ୟ କରିଥିଲେ। କିନ୍ତୁ ବିନା ତଥ୍ୟ ପ୍ରମାଣରେ ସେ ଯେଭଳି ଭାବେ ନିଜର ଜଣେ ଦିବଂଗତ ସହଯୋଗୀଙ୍କ ଚରିତ୍ର ସଂହାର କଲେ, ତାହା ଓଡ଼ିଶାବାସୀ ଦେଖୁଛନ୍ତି। ନିଜକୁ ବିଜେପିର ପ୍ରବକ୍ତା ମନେ କରି ଶ୍ରୀ ମିଶ୍ର ନିୟମିତ ଭାବେ ଯେଉଁସବୁ ନିମ୍ନମାନର ମନ୍ତବ୍ୟ ଦେଇ ଆସୁଛନ୍ତି, ତାହା ଅତ୍ୟନ୍ତ ନିନ୍ଦନୀୟ ବୋଲି ବିଜୁ ଜନତା ଦଳ ପକ୍ଷରୁ କୁହାଯାଇଛି।
ଏହି ସ୍ପର୍ଶକାତର ପ୍ରସଙ୍ଗରେ ଆଜି ଶ୍ରୀ ମିଶ୍ର ବିଭ୍ରାନ୍ତିକର ବୟାନ ଦେବା ପରେ ଏକ ପ୍ରେସ ବିବୃତିରେ ବିଜେଡି ମୁଖପାତ୍ର ଡ.ଲେନିନ୍ ମହାନ୍ତି କହିଛନ୍ତି ଯେ ନରସିଂହ ବାବୁ ରାଜ୍ୟର କେବଳ ଜଣେ ଆଗଧାଡ଼ିର ଅଭିଜ୍ଞ ରାଜନେତା ନୁହନ୍ତି, ଜଣେ ବରିଷ୍ଠ ଆଇନଜୀବୀ ମଧ୍ୟ। ତାଙ୍କୁ କିଏ କହିଥିଲା ଯେ ନବକିଶୋର ଦାସଙ୍କ ହତ୍ୟାକାରୀ ଗୋପାଳ ଜଣେ ପାଗଳ ବୋଲି? ତଦନ୍ତକାରୀ ସଂସ୍ଥା କହିଥିଲା କି? ସରକାର କହିଥିଲେ କି? ବିଜୁ ଜନତା ଦଳ କହିଥିଲା କି? ଗୋପାଳ ପାଗଳ ବୋଲି ପ୍ରଥମେ ତାଙ୍କ ପରିବାର ଲୋକ କହିଥିଲେ। ଆଉ ପରେ ପରେ ନିଜେ ନରସିଂହ ବାବୁ ଏବଂ କଂଗ୍ରେସ ତଥା ଭାରତୀୟ ଜନତା ପାର୍ଟିର ନେତାମାନେ ଗୋପାଳ ପାଗଳ ବୋଲି କହି ବୁଲିଲେ। ଏବେ ସେଇ ନରସିଂହ ବାବୁ ଗୋପାଳ ପାଗଳ ନୁହେଁ ବୋଲି କହୁଛନ୍ତି। ଦୁର୍ଭାଗ୍ୟର ବିଷୟ ହେଲା, ନରସିଂହ ବାବୁଙ୍କ ଭଳି ଜଣେ ବରିଷ୍ଠ ଆଇନଜୀବୀ ଏହି ସ୍ପର୍ଶକାତର ମାମଲାରେ ବିଜେପିର ପ୍ରବକ୍ତା ଭଳି ଆଜି ଗୋଟିଏ କଥା, କାଲି ଗୋଟିଏ କଥା କହି ବିଭ୍ରାନ୍ତି ସୃଷ୍ଟି କରିବାକୁ ଉଦ୍ୟମ କରୁଛନ୍ତି। ସେ ମନେ ରଖିବା ଉଚିତ ଯେ ହାଇକୋର୍ଟର ଜଣେ ଅବସରପ୍ରାପ୍ତ ବିଚାରପତି ଏହି ମାମଲାର ତଦନ୍ତକୁ ତଦାରଖ କରୁଛନ୍ତି। ତେଣୁ ଘଟଣା ପଛର ସତ କ’ଣ, ତାହା ଖୁବ୍ ଶୀଘ୍ର ପଦାକୁ ଆସିବ।
ଡ.ମହାନ୍ତି ଆହୁରି କହିଛନ୍ତି ଯେ ଏହି ମାମଲାରେ ୠଈଓ ଏବଂ ଘଓଗଐଇଘଝର ସାହାଯ୍ୟ କାହିଁକି ଲୋଡ଼ା ହେଲା, ତାହା ଆଗରୁ ସ୍ପଷ୍ଟ କରାଯାଇଛି। ତଥାପି ବିରୋଧୀଦଳର ନେତାମାନେ ଏହି ମାମଲାରୁ ରାଜନୈତିକ ଫାଇଦା ହାସଲ ପାଇଁ ଜାଣିଶୁଣି ନ୍ୟାରେଟିଭ୍ ତିଆରି କରିବାକୁ ଚେଷ୍ଟା କରୁଛନ୍ତି। ତେବେ ନରସିଂହ ମିଶ୍ରଙ୍କ ଭଳି ଜଣେ ବରିଷ୍ଠ ଆଇନଜୀବୀଙ୍କଠାରୁ ଏଭଳି ବିଭ୍ରାନ୍ତକାରୀ ମନ୍ତବ୍ୟ ଆଶା କରାଯାଏ ନାହିଁ ।
(ଲେନିିିନ୍ ମହାନ୍ତି)
ମୁଖପାତ୍ର, ବିଜୁ ଜନତା ଦଳ