ମର୍ମନ୍ତୁଦ ସଡକ ଦୁର୍ଘଟଣା; ୧୭ ଜଣଙ୍କ ମୃତ୍ୟୁ

କାବୁଲ: ଆଫଗାନିସ୍ତାନରେ ମର୍ମନ୍ତୁଦ ସଡକ ଦୁର୍ଘଟଣା । ଭାରସାମ୍ୟ ହରାଇ ଓଲଟିଲା ବସ । ଦୁର୍ଘଟଣାରେ ୧୭ ଜଣଙ୍କ ମୃତ୍ୟୁ ହୋଇଥିବା ବେଳେ ୭ ଜଣ ଆହତ ହୋଇଛନ୍ତି । ଆଫଗାନିସ୍ତାନର ତକହାର ଅଞ୍ଚଳରେ ଏହି ମର୍ମନ୍ତୁଦ ଦୁର୍ଘଟଣା ହୋଇଥିବା ନେଇ ସ୍ଥାନୀୟ ଗଣମାଧ୍ୟମ ପକ୍ଷରୁ ସୂଚନା ଦିଆଯାଇଛି । ରିପୋର୍ଟ ଅନୁସାରେ, “ଚାହ ଅବ ଜିଲ୍ଲାର ଅନଜିର ଅଞ୍ଚଳର ସୁନା ଖଣି ନିକଟବର୍ତ୍ତୀ ଅଞ୍ଚଳରେ ବସଟି ଭାରସାମ୍ୟ ହରାଇ ବସଟି ଓଲଟି ପଡିଥିଲା । ବସରେ ରହିଥିବା ସମସ୍ତେ ସୁନା ଖଣିରେ କାମ କରୁଥିଲେ । ଏନେଇ ଚାହ ଅବ ଜିଲ୍ଲାର ଜିଲ୍ଲାପାଳଙ୍କ କହିବା ଅନୁସାରେ, ମୃତ ଏବଂ ଆହତ ସମସ୍ତ କର୍ମଚାରୀ ସୁନା ଖଣିରେ କାମ କରୁଥିଲେ । ଅଞ୍ଜିର ଅଞ୍ଚଳର ଚାହ ଅବ ସେଣ୍ଟର ଏବଂ ସୁନା ଖଣି ମଧ୍ୟରେ ଭାରସାମ୍ୟ ହରାଇ ବସଟି ଓଲଟି ପଡିଥିଲା । ବର୍ତ୍ତମାନ ସୁଦ୍ଧା ୧୭ ଜଣଙ୍କ ମୃତ୍ୟୁ ହୋଇଛି । ଆହତମାନଙ୍କୁ ଉଦ୍ଧାର କରାଯାଇ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି । ବର୍ତ୍ତମାନ ସେମାନଙ୍କର ଅବସ୍ଥା ଗୁରୁତର ରହିଛି ।