ଅଟକ ପୋଲିସ। ପୋଲିସ ଫୋର୍ସକୁ ଗାଁରେ ବନ୍ଧକ ରଖିଲେ ଗ୍ରାମବାସୀ। ପୁରୀ ଜିଲ୍ଲା ନିମାପଡ଼ା ବ୍ଲକ ବଡ ସିରୁବିଳା ପଞ୍ଚାୟତ ଭଗବାନ ସୁନ୍ଦରା ଗାଁରେ ଏପରି ଅଘଟଣ ସାମ୍ନାକୁ ଆସିଛି। ବହୁ ବର୍ଷ ହେବ ଭଗବାନ ସୁନ୍ଦରା ଓ ବଡ ସିରୁବିଳା ଗାଁ ଭିତରେ ଜମିଜମାକୁ ନେଇ ବିବାଦ ଲାଗିରହିଛି। ଦୁଇ ଗାଁର ଜମି ବିବାଦ ମଧ୍ୟରେ ବଡ଼ ସିରୁବଳା ଗାଁରେ ଅଷ୍ଟ ପ୍ରହରି ପାଇଁ ନଡ଼ିଆ ତୋଳା ଚାଲିଥିଲା। ସେଠାରେ ନିମାପଡ଼ା ପୋଲିସ ମୁତୟନ ଥିଲେ। ଏହାକୁ ଦେଖି ଭଗବାନ ସୁନ୍ଦରା ଗାଁଲୋକମାନେ ବିରୋଧ କରିବା ସହିତ ପୋଲିସ ଗାଡିକୁ ଅଟକ ରଖିଛନ୍ତି। ଯେ ପର୍ୟ୍ୟନ୍ତ ବହୁ ଦିନର ଏହି ସମସ୍ୟା ସମାଧାନ ନହୋଇଛି ସେପର୍ୟ୍ୟନ୍ତ ଗାଡି ଛାଡ଼ିବେ ନାହିଁ ବୋଲି ଗାଁ ଲୋକମାନେ କହିଛନ୍ତି।
