ଚମ୍ପୁଆ: ଦୁଇ ପୁଅଙ୍କୁ ହତ୍ୟା କରି ମା’ କଲା ଆତ୍ମହତ୍ୟା । ଘର ଭିତରୁ ୩ ମୃତଦେହ ଉଦ୍ଧାର କରାଯାଇଛି । ଏଭଳି ଏକ ଘଟଣା ଚମ୍ପୁଆ ଥାନା ଦୁରକୁଳିଆ ଗାଁରେ ଘଟିଛି । ମୃତକମାନେ ହେଲେ ଭୀମସେନ ନାଏକଙ୍କ ପତ୍ନୀ କ୍ଷଣପ୍ରଭା ନାଏକ, ୪ ବର୍ଷର ପୁଅ ଜନସେନ ନାଏକ ଓ ଦୁଇ ବର୍ଷ ର ପୁଅ ନନ୍ଦନ ନାଏକ ।
ସୂଚନା ଅନୁଯାୟୀ, ଚମ୍ପୁଆ ଥାନା ଦୁରକୁଳିଆ ଗାଁର ଭୀମସେନଙ୍କ ପତ୍ନୀ କ୍ଷଣପ୍ରଭା ନିଜ ୨ ଶିଶୁ ପୁତ୍ରକୁ ନିଜେ ଘର ଭିତରେ ଆତ୍ମହତ୍ୟା କରିଛନ୍ତି । ଘର ଭିତରେ ୩ଟି ମୃତଦେହ ପଡିଥିବା ଖବର ପାଇ ଚମ୍ପୁଆ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ଘଟଣାର ତଦନ୍ତ କରୁଛି । ତେବେ କେଉଁ କାରଣ ନେଇ କ୍ଷଣପ୍ରଭା ଏଭଳି ପଦକ୍ଷେପ ନେଲେ ତାହାର ଅସ୍ପଷ୍ଟ ରହିଛି । ୨ ଶିଶୁ ପୁତ୍ରକୁ ତଣ୍ଟିଚିପି କ୍ଷଣପ୍ରଭା ହତ୍ୟା କରିଥିବା ସନ୍ଦେହ କରାଯାଉଛି ।
