କୋଲକାତା ଛାଡ଼ିଲା ବିଜୁ ବାବୁଙ୍କ ‘ଡାକୋଟା’ ବିମାନ

ଭୁବନେଶ୍ୱର : ଓଡ଼ିଶା ଆସୁଛି ବିଜୁ ବାବୁଙ୍କ ପ୍ରିୟ ‘ଡାକୋଟା’ । ବିଜୁ ବାବୁଙ୍କ ଡାକୋଟା ବିମାନ କୋଲକାତାରୁ ବନ୍ଦରରୁ ବାହାରୁଛି ଭୁବନେଶ୍ୱର । କୋଲକାତା ନେତାଜୀ ସୁବାସ ବୋଷ ଆନ୍ତର୍ଜାତିକ ବିମାନ ବନ୍ଦରରେ ବିମାନର ବିଭିନ୍ନ ଅଂଶକୁ ୩ଟି ବଡ କଣ୍ଟେନରରେ ଅଣାଯାଉଛି । ଦୁଇଟି କଣ୍ଟେନର ବିମାନବନ୍ଦରୁ ବାହାରି ସାରିଲାଣି । ଅନ୍ୟ ଏକ କଣ୍ଟେନରରେ ବିଜୁ ବାବୁଙ୍କ ଡାକୋଟା ବିମାନକୁ ଲଦା ଚାଲିଛି । ଆଜି ରାତି ସୁଦ୍ଧା ବାହାରିଯିବ ବୋଲି ସୂଚନା ମିଳିଛି । ଏରୋସ୍ପେସ୍ ରିସର୍ଚ୍ଚ ଡେଭଲପ୍‌ମେଣ୍ଟ ସେଣ୍ଟର ମହା ପ୍ରବନ୍ଧକ ଦେବାଶିଷ ମହାନ୍ତିଙ୍କ ତତ୍ତ୍ୱାବଧାନରେ ବିମାନର ଅଂଶ ବିଶେଷକୁ ପୃଥକ୍ କରିବା ନିମିତ୍ତ ପାଞ୍ଚ ଜଣ ଯନ୍ତ୍ରୀ କରୁଣାକର ପଣ୍ଡା, ଚନ୍ଦନ ପଣ୍ଡିତ, ନଗେନ୍ଦ୍ର କୁମାର , ଅଭିଜିତ୍ ଗିରି ଓ ହୃଷୀକେଶ ଜେନା କାର୍ଯ୍ୟରେ ନିୟୋଜିତ ଥିଲେ ବୋଲି ବିମାନ ବନ୍ଦର ପରିଚାଳକ ମନୋଜ ବେହେରା ସୂଚନା ଦେଇଛନ୍ତି । ସରକାରଙ୍କ ଘୋଷଣା ଅନୁସାରେ ଏହି ବିମାନଟି ଭୁବନେଶ୍ୱରରେ ସଂରକ୍ଷିତ ହେବ ।