ନୂଆଦିଲ୍ଲୀ : କୋଭାକ୍ସିନ ଅପେକ୍ଷା କୋଭିଶିଲ୍ଡରେ ରହିଛି ଅଧିକ ଆଣ୍ଟିବଡି ସୃଷ୍ଟିକାରୀ ଶକ୍ତି । କୋଭାଶିଲ୍ଡ, କୋଭାକ୍ସିନ ଅପେକ୍ଷା ଅଧିକ ପ୍ରଭାବଶାଳୀ । ନିକଟରେ ହୋଇଥିବା ଏକ ଅଧ୍ୟୟନରେ କୁହାଯାଇଛି ଯେ କରୋନାର ବିଭିନ୍ନ ପ୍ରକାର ଭାରିଆଣ୍ଟ ବିରୁଦ୍ଧରେ କୋଭାକ୍ସିନ୍ ଅପେକ୍ଷା କୋଭିସିଲ୍ଡ ଟିକା ଅଧିକ ପ୍ରଭାବଶାଳୀ ଅଟେ । ଏହି ଅନୁସନ୍ଧାନର ଏକ ପ୍ରି-ପ୍ରିଣ୍ଟ ଶୁକ୍ରବାର ଇଣ୍ଟରନେଟରେ ପୋଷ୍ଟ କରାଯାଇଥିଲା । ତଥାପି, ଏହି ଅଧ୍ୟୟନର ସମୀକ୍ଷା କରାଯାଇ ନାହିଁ । ଜୁନ୍ ୨୦୨୧ ରୁ ଜାନୁୟାରୀ ୨୦୨୨ ମଧ୍ୟରେ ୬୯୧ ଲୋକଙ୍କ ଉପରେ ଏହି ଅଧ୍ୟୟନ କରାଯାଇଥିଲା । ପୁଣେ ଓ ବାଙ୍ଗାଲୋର ମୋଟ୍ ୪ଟି ସ୍ଥାନରେ ୧୮ ରୁ ୪୫ ବର୍ଷର ଲୋକଙ୍କ ଉପରେ ଏହି ଅଧ୍ୟୟନ କରାଯାଇଥିଲା ।
ଏଥିରେ ସହରାଞ୍ଚଳ ଏବଂ ଗ୍ରାମାଞ୍ଚଳର ଲୋକମାନେ ସାମିଲ ହୋଇଥିଲେ । ଯେଉଁଥିରେ କୋଭାକ୍ସିନ୍ ଅପେକ୍ଷା କୋଭିଶିଲ୍ଡ ଟିକାରେ ଅଧିକ ଆଣ୍ଟିବଡି ତିଆରି ହେଉଛି ବୋଲି ଦାବି କରାଯାଇଛି । ରିପୋର୍ଟ ଅନୁଯାୟୀ ଯେଉଁମାନେ ଦୁଇଟି କରୋନା ଟିକା ମଧ୍ୟରୁ ଉଭୟ ଡୋଜ ଗ୍ରହଣ କରିଛନ୍ତି ସେମାନଙ୍କଠାରେ ଉଭୟ ଟିକାର ଏକ ଭଲ ପ୍ରତିରକ୍ଷା ପ୍ରତିକ୍ରିୟା ସୃଷ୍ଟି କରିଥିଲା । ଅନୁସନ୍ଧାନ ଅନୁଯାୟୀ, ଉଭୟ କୋଭିଶିଲ୍ଡ ଏବଂ କୋଭାକ୍ସିନ୍ ଉଭୟ ଲୋକଙ୍କ ମଧ୍ୟରେ ପର୍ଯ୍ୟାପ୍ତ ପରିମାଣରେ ଆଣ୍ଟିବଡି ସୃଷ୍ଟି କରିଥିଲା । ଅନୁସନ୍ଧାନରେ ଜଡିତ ଅଂଶଗ୍ରହଣକାରୀଙ୍କୁ ୨୮ ଦିନର ବ୍ୟବଧାନରେ କୋଭାକ୍ସିନର ଉଭୟ ମାତ୍ରା କିମ୍ବା ତିନି ମାସର ବ୍ୟବଧାନରେ କୋଭିଶିଲ୍ଡର ଉଭୟ ଡୋଜ ଦିଆଯାଇଥିଲା । ଅନୁସନ୍ଧାନରେ ଏହା ଜଣାପଡିଛି ଯେ ଯେଉଁମାନଙ୍କୁ କୋଭିଶିଲ୍ଡର ମାତ୍ରା ଦିଆଯାଇଥିଲା, ସେମାନେ କୋଭାକ୍ସିନ୍ ଟିକା ପାଇଥିବା ଲୋକଙ୍କ ଅପେକ୍ଷା ଭଲ ରୋଗ ପ୍ରତିରୋଧକ ଶକ୍ତି ପାଇଥିଲେ ।
