ପଥର ଚଟାଣରେ ଖସି ଭାଲୁର ମୃତ୍ୟୁ

ନୀଳଗିରି: ବାଲେଶ୍ୱର ଜିଲା ନୀଳଗିରି ରେଞ୍ଜ ଅଧୀନ ଧୋବଶିଳା ନିକଟସ୍ଥ ସାଇଡିଂସାହି ପାଶ୍ୱର୍ରେ ଥିବା ଏକ ପଥର ଚଟାଣରେ ଖସି ବୃଦ୍ଧା ଭାଲୁର ମୃତ୍ୟୁ ଘଟିଛି । ଭାଲୁଟି ସେଠାରେ ମରି ପଡ଼ିଥିବା ସମ୍ପର୍କରେ ସ୍ଥାନୀୟ ଲୋକଙ୍କଠାରୁ ଖବରପାଇ ଫରେଷ୍ଟର ରାମଚନ୍ଦ୍ର ଲେଙ୍କା ସେଠାରେ ପହଞ୍ଚିଥିଲେ । ଏହି ମାଈ ଭାଲୁର ବୟସ ଅଧିକ ହୋଇଥିବା କାରଣରୁ ପଥର ଚଟାଣରେ ଗୋଡ଼ ଟଳମଳ ହୋଇ ପାଶ୍ୱର୍ରେ ଥିବା ଏକ ପରିିତ୍ୟକ୍ତ ଖାଦାନକୁ ଖସି ପଡ଼ିଥିବା କୁହାଯାଉଛି । ଏନେଇ ବନବିଭାଗ ପକ୍ଷରୁ ତଦନ୍ତ ଆରମ୍ଭ ହୋଇଥିବା ବେଳେ ଶବ ବ୍ୟବଛେଦ ମଧ୍ୟ କରାଯାଇଛି । ରିପୋର୍ଟ ଆସିବା ପରେ ଭାଲୁ ମୃତ୍ୟୁର ରହସ୍ୟ ଉନ୍ମୋଚନ ହେବ ବୋଲି ନୂତନ ରେଞ୍ଜ ଅଧିକାରିଣୀ ଆଇସା ଏ. ନିଶା କହିଛନ୍ତି ।