ଭୁବନେଶ୍ୱର: ଟ୍ରାଫିକ ଥାନା-୨ କନେଷ୍ଟବଳ ଗୋପାଳ ସାମଲଙ୍କୁ କାର ଚାଳକ ଖରାପ ଭାଷାରେ ଗାଳିଗୁଲଜ ନେଇ ଅଭିଯୋଗକ୍ରମେ ଚନ୍ଦ୍ରଶେଖରପୁର ଥାନାରେ ମାମଲା ରୁଜୁ କରାଯାଇଥିଲା । ଚନ୍ଦ୍ରଶେଖରପୁର ଥାନା ପୁଲିସ ମାମଲାର ତଦନ୍ତ କରି ନିମ୍ନୋକ୍ତ ଅଭିଯୁକ୍ତକୁ କୋର୍ଟ ଚାଲାଣ କରିଛନ୍ତି । ଏହି ମାମଲାର ଅଧିକ ତଦନ୍ତ ଚାଲୁ ରହିଛି । ସୂଚନାଯୋଗ୍ୟ ଯେ, ଅଭିଯୋଗକାରୀ ଶ୍ରୀ ଗୋପାଳ ସାମଲ ଟ୍ରାଫିକ ଥାନା-୨ ଥାନାଧିକାରୀଙ୍କ ନିର୍ଦ୍ଧେଶ କ୍ରମେ ବର୍ତ୍ତମାନରେ ଚାଲୁଥିବା ମେକ-ଇନ-ଓଡ଼ିଶା, କନକ୍ଲେଭ ପାଇଁ ଜନତା ମଇଦାନ କଟରେ ଟ୍ରାଫିକ ନିୟନ୍ତ୍ରଣ ଡ୍ୟୁଟିରେ ନିଯୋଜିତ ଥିଲେ ।
ସମୟ ପ୍ରାୟ ୧୦.୩୦ରେ ଭିଆଇପି ଙ୍କ କାରକେଡ ଜୟଦେବ ବିହାର ଅଭିମୁଖେ ଯାଉଥିବା ସମୟରେ ଅଭିଯୋଗକାରୀ ଟ୍ରାଫିକ ବାହନ ଗୁଡିକୁ ରହିବା ପାଇଁ ସିଗନାଲ୍ ଦେଇଥିଲେ । ସେହି ସମୟରେ ନିମ୍ନୋକ୍ତ ଅଭିଯୁକ୍ତ ଏକ କଳା ରଙ୍ଗର ଇନୋଭା କାରଟିରେ ଜାଭିଅର ଛକ ପାର୍ଶ୍ୱରୁ ଆସିଥିଲେ ଏବଂ ଟ୍ରାଫିକ ନିୟମକୁ ଉଲଂଘନ କରି ଚାଲି ଯିବାକୁ ଚେଷ୍ଟା କରିଥିଲେ । ଅଭିଯୋଗକାରୀ ବହୁ ଚେଷ୍ଟା ପରେ ଅଭିଯୁକ୍ତଙ୍କ କାରଟିକୁ ଅଟକାଇ ଥିଲେ ଏବଂ ଅଭିଯୁକ୍ତ ଜଣକ କାର ଭିତରୁ ବାହାରକୁ ଆସି ଅଭିଯୋଗକାରୀଙ୍କ ସହିତ ଯୁକ୍ତିତର୍କ କରିଥିଲେ । ଅଭିଯୁକ୍ତ ଜଣକ ତାଙ୍କୁ ସର୍ବସାଧାରଣରେ ଅସଭ୍ୟ ଭାଷାରେ ଗାଳି ଗୁଲଜ କରିଥିଲେ ଏବଂ ଧମକ ମଧ୍ୟ ଦେଇଥିଲେ । ଅଭିଯୋଗକାରୀ ଏନେଇ ପୁଲିସ କନଣ୍ଟ୍ରୋଲରୁମରେ ଜଣାଇବା ପରେ ପିସିଆର ସହାୟତାରେ ଅଭିଯୁକ୍ତକୁ ଚନ୍ଦ୍ରଶେଖରପୁର ଥାନାକୁ ଅଣା ଯାଇଥିଲା ଏବଂ ତାଙ୍କର କାର ଟିକୁ ଜବତ ମଧ୍ୟ କରାଯାଇଥିଲା ।
