ବାହା ବେଦିରେ ୱାର୍କ ଫର୍ମ ହୋମ, ହାତଗଣ୍ଠି ପରିବର୍ତ୍ତେ ବର ହାତରେ ଲାପଟପ୍

ନୂଆଦିଲ୍ଲୀ : ଏବେ ଚାଲିଛି ବାହାଘର ସିଜିନ୍ । ଏଥିସହ ସୋସିଆଲ ମିଡିଆରେ ବିବାହର ଭଳିକି ଭଳି ଭିଡିଓ ଅପଲୋଡ ହେଉଛି । ଏବେ ଭାଇରାଲ ହେଉଛି ବିବାହ ବେଳର ଏକ ଫଟୋ । ଯେଉଁଥିରେ ବର ବାହା ବେଦିରେ ବସି ନିଜ ଲାପଟପରେ ଅଫିସ୍ କାମ କରୁଛନ୍ତି । ୱାର୍କ ଫର୍ମ ହୋମର ଉଦାହରଣ ଦେଉଥିବା ଏହି ଫଟୋଟିରେ ଲୋକେ ଭିନ୍ନ ଭିନ୍ନ ପ୍ରତିକ୍ରିୟା ରଖିଛନ୍ତି । ଅନେକ ଏହି ଫଟୋଟିକୁ ପସନ୍ଦ କରୁଥିବା ବେଳେ କେହି କେହି ଏହାକୁ ନାପସନ୍ଦ ମଧ୍ୟ କରୁଛନ୍ତି । ଏହି ଫଟୋଟି କୋଲକାତାର ବୋଲି ଜଣାପଡ଼ିଛି । ବ୍ରାହ୍ମଣ ମନ୍ତ୍ରପାଠ କରିବା ସହ ବିଧିବିଧାନ ସହ ବିବାହର ଅନ୍ୟ କାର‌୍ୟ୍ୟ ସମ୍ପାଦନ କରୁଥିବା ଫଟୋଟିରେ ଦେଖାଯାଉଛି । ‘ଆଇଜି କୋଲକାତା’ ନାମକ ଜଣେ ସୋସିଆଲ ମିଡିଆ ୟୁଜର୍ସ ଏହି ଫଟୋଟିକୁ ସେୟାର କରି ଲେଖିଛନ୍ତି ଏହା ‘ୱାର୍କ ଫର୍ମ ହୋମର ସବୁଠୁ ଉଚ୍ଚ ସ୍ତର’ । ଏହି ଫଟୋରେ ଅନ୍ୟ ଜଣେ ୟୁଜର ଲେଖିଛନ୍ତି, ‘ଫଟୋଟି ବାସ୍ତବ କି ନୁହେଁ ତାହା ଜାଣିହେଉନି । କିନ୍ତୁ, ଏଭଳି କାର୍ଯ୍ୟକୁ ପ୍ରଶୟ ଦିଅନ୍ତୁ ନାହିଁ ।’