ସାନଖେମୁଣ୍ଡି : ଖେଳୁଥିବା ବେଳେ ହଠାତ୍ ପୋଖରୀରେ ପଡିଯାଇ ଜଣେ ତିନି ବର୍ଷର ବାଳକର ଦୁଃଖଦ ମୃତ୍ୟୁ ଘଟିଛି । ମୃତ ବାଳକ ଜଣକ ପାଟପୁର ଥାନା ଅନ୍ତର୍ଗତ ଡେଙ୍ଗାଡି ଗ୍ରାମର ରଞ୍ଜନ ସାହୁଙ୍କ ଏକମାତ୍ର ପୁତ୍ର ସିଦ୍ଧାର୍ଥ ସାହୁ ବୋଲି ଜଣାପଡିଛି । ପୋଖରୀ ନିକଟ ଘର ପାଖରେ ଖେଳୁଥିବା ବେଳେ ସିଦ୍ଧାର୍ଥ ପୋଖରୀକୁ ଖସି ପଡ଼ିଥିଲା ।
ଦୀର୍ଘ ଦୁଇଘଣ୍ଟା ଧରି ପାଣିରେ ବୁଡି ରହିବା ପରେ ସିଦ୍ଧାର୍ଥକୁ ପାଣିରୁ ଉଦ୍ଧାର କରାଯାଇଥିଲା । ଆଡପଡା ମେଡିକାଲରେ ଗ୍ରାମବାସୀ ଭର୍ତ୍ତି କରିଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ବ୍ରହ୍ମପୁର ବ୍ରହ୍ମପୁର ବଡ଼ ମେଡ଼ିକାଲକୁ ଶବ ବ୍ୟବଛେଦ ପାଇଁ ପଠାଯାଇଥିବା ସୂଚନା ମିଳିଛି ।
