ବ୍ୟୁରୋ : ଆଜିକାଲି ବଲିଉଡରେ କୋଟି କୋଟି ଟଙ୍କାର ଚଳଚ୍ଚିତ୍ର ନିର୍ମାଣ କରାଯାଉଛି । କିନ୍ତୁ ଫିଲ୍ମ ଅପେକ୍ଷା ଗୀତଗୁଡ଼ିକରେ ପାଣି ପରି ଟଙ୍କା ଖର୍ଚ୍ଚ ହେଉଛି ଯାହା ଚଳଚ୍ଚିତ୍ରକୁ ଅଧିକ ସ୍ୱତନ୍ତ୍ର କରିଥାଏ । ଅନେକ ବଲିଉଡ୍ ଗୀତ ଅଛି ଯାହାର ଆଇଟମ ଗୀତ ପାଇଁ ବହୁତ ଟଙ୍କା ଖର୍ଚ୍ଚ ହୋଇଥାଏ ଏବଂ ଏହା ସହିତ ସେହି ସବୁ ଗୀତ ଗୁଡିକ ବଲିଉଡର ସବୁଠାରୁ ଦାମୀ ଗୀତ ଭାବରେ ମଧ୍ୟ ଗଣା ହେଲେ । ଏହି ଗୀତଗୁଡ଼ିକ ପ୍ରିୟଙ୍କା, କ୍ୟାଟ୍ରିନା, ଦୀପିକାଙ୍କ ପରି ଅଭିନେତ୍ରୀମାନଙ୍କ ଉପରେ ସୁଟିଂ କରାଯାଇଥିଲା। ତେବେ ଆସନ୍ତୁ ଜାଣିବା ବଲିଉଡର ସବୁଠୁ ଏକ୍ସପେନସିଭ ସଙ୍ଗ ଗୁଡିକ କଣ କଣ ରହିଛି । ଆଉ ଏହି ଆଇଟମ ସଙ୍ଗ ଗୁଡିକରେ କେତେ କେତେ ଟଙ୍କା ଖର୍ଚ୍ଚ ହୋଇଛି । ଆଉ ସେହି ଗୀତ ଗୁଡିକ ହିଁ ଫିଲ୍ମ ଗୁଡିକୁ ବେଶ୍ ପରିଚିତ କରାଇଥାଏ ।
ମଲଙ୍ଗ ଗୀତ (ଧୁମ୍ ୩)-
ଅମୀର ଖାନ ଏବଂ କ୍ୟାଟ୍ରିନା କୈଫଙ୍କ ଉପରେ ନିର୍ମିତ ଏହି ଗୀତଟି ଦର୍ଶକ ମାନଙ୍କୁ ବହୁତ ପସନ୍ଦ ଆସିଥିଲା । ଚଳଚ୍ଚିତ୍ର ସହିତ ଏହି ଗୀତଟି ମଧ୍ୟ ଏକ ବଡ଼ ହିଟ୍ ହୋଇଥିଲାା ଏଥିରେ ଗୀତ ପାଇଁ ପ୍ରାୟ ୩ କୋଟି ଟଙ୍କା ଖର୍ଚ୍ଚ ହୋଇଥିଲା ।
ଛମକ ଛଲ୍ଲୋ (ରା. ୱନ )-
ଶାହାରୁଖ ଖାନଙ୍କ ଫ୍ଲପ ଫିଲ୍ମ ରା ୱାନରେ କରୀନା କପୁରଙ୍କ ଉପରେ ନିର୍ମିତ ଛମକ ଛଲ୍ଲୋ ଗୀତ ଏବେ ବି ଲୋକଙ୍କ ମୁହଁରେ ଅଛି । କିନ୍ତୁ ଏହି ଗୀତର ମୂଲ୍ୟ ବିଷୟରେ କହିବାକୁ ଗଲେ ଏହା ୨.୫୦ କୋଟି ମୂଲ୍ୟରେ ପ୍ରସ୍ତୁତ ହୋଇଥିଲା ।
ତେରୀ ଝଲକ ଶରଫି (ପୁଷ୍ପା)-
ଗତ ବର୍ଷ ମୁକ୍ତିଲାଭ କରିଥିବା ଚଳଚ୍ଚିତ୍ର ପୁଷ୍ପା ଏକ ବଡ଼ ହିଟ୍ ହୋଇଥିଲା ଏବଂ ଏହାର ଗୀତଗୁଡ଼ିକ ମଧ୍ୟ ଅନେକ ପ୍ରଶଂସା ସାଉଁଟିଥିଲା । ଲୋକମାନେ ବିଶେଷ ଭାବରେ ପୁଷ୍ପାଙ୍କ ଶ୍ରୀବଲି ଗୀତକୁ ପସନ୍ଦ କରିଥିଲେ। ଏହି ଗୀତ ବିଦେଶରେ ମଧ୍ୟ ଅନେକ ପ୍ରଭାବ ପକାଇଥିଲା । କିନ୍ତୁ ଏହି ଗୀତଟିକୁ ତିଆରି କରିବାରେ ମଧ୍ୟ ଅନେକ ଖର୍ଚ୍ଚ ହୋଇଥିଲା । ଏହି ଗୀତ ୫ କୋଟି ଟଙ୍କାରେ ପ୍ରସ୍ତୁତ କରାଯାଇଥିଲା ।
ରାମ ଚାହେ ଲୀଲା (ରାମ ଲୀଲା ) –
ଫିଲ୍ମ ‘ଗୋଲିୟନ୍ କି ରାସଲେଲା’ରେ ଆଇଟମ୍ ନମ୍ବର’ ରାମ ଚାହେ ଲୀଲା’ରେ ମଧ୍ୟ ପ୍ରିୟଙ୍କା ଚୋପ୍ରାଙ୍କୁ ଦେଖିବାକୁ ମିଳିଥିଲା। ଏହି ଗୀତଟି ମଧ୍ୟ ଏକ ହିଟ୍ ହୋଇଥିଲା ଏବଂ ତାଙ୍କର ବୋଲ୍ଡ ଷ୍ଟାଇଲ୍ ମଧ୍ୟ ବହୁତ ଲୋକପ୍ରିୟ ଥିଲା । ଏହି ଗୀତ ନିର୍ମାଣରେ ୬ କୋଟି ଟଙ୍କା ଖର୍ଚ୍ଚ କରାଯାଇଥିଲା ।
ଘୁମର ଗୀତ (ପଦ୍ମାବତ)-
ପଦ୍ମାବତ ଦୀପିକା ପାଦୁକୋନଙ୍କ କ୍ୟାରିୟରର ସୁପରହିଟ୍ ଫିଲ୍ମ ଥିଲା । ଯାହାର ଗୀତ ହିଟ୍ ହୋଇଥିଲା । ବିଶେଷକରି ଘୁମର ଗୀତର ସୁଟିଂରେ ବହୁତ କଠିନ ପରିଶ୍ରମ କରିବାକୁ ପଡିଲା । ଏହି ଗୀତ ନିର୍ମାଣରେ ସଂଜୟ ଲୀଲା ଭନସାଲୀ ୧୨ କୋଟି ଖର୍ଚ୍ଚ କରିଥିଲେ ।
ବଲିଉଡର “ମୋଷ୍ଟ ଏକ୍ସପେନ୍ସିଭ” ସଙ୍ଗ
