ମେଟ୍ରୋ ରେଳ ଧାରଣା ଉପରେ ପରିସ୍ରା କଲେ ଯାତ୍ରୀ, ପଚାରିବାରୁ କହିଲେ ଏମିତି କିଛି..

ନୂଆଦିଲ୍ଲୀ : ମେଟ୍ରୋ ରେଳଧାରଣା ଉପରେ ପରିସ୍ରା କରି ସୋସିଆଲ ମିଡିଆରେ ଭାଇରାଲ ହେଲେ । ଦିଲ୍ଲୀ ମେଟ୍ରୋ ରେଳଧାରଣା ଉପରେ ଜଣେ ଯାତ୍ରୀ ପରିସ୍ରା କରୁଥିବା ବେଳେ ଏହାର ଭିଡିଓ ସେଠାରେ ଥିବା ଅନ୍ୟ ଜଣେ ଯାତ୍ରୀ ନିଜ ମୋବାଇଲରେ ରେକର୍ଡିଂ କରିଥିଲେ । ଭିଡିଓଟି ୨୯ ଅକ୍ଟୋବରରେ ଟ୍ୱିଟଟରେ ସେୟାର କରାଯାଇଥିଲା । ଭିଡିଓଟି ଦେଖିବା ପରେ ୟୁଜର୍ସ ଏହି ବ୍ୟକ୍ତିଙ୍କ ବିରୋଧରେ ବିଭିନ୍ନ କମେଣ୍ଟସ କରିଥିବା ଦେଖାଯାଇଛି । ତେବେ ଭିଡିଓଟି କେବେକାର ତାହା ଜଣାପଡ଼ିନାହିଁ । ମେଟ୍ରୋ ରେଳଧାରଣା ଉପରେ ଯାତ୍ରୀ ଜଣକ କାହିଁକି ପରିସ୍ରା କରୁଛନ୍ତି, ଏନେଇ ତାଙ୍କୁ ପଚାରିବାରୁ ଉତ୍ତରରେ ସେ କହିଥିଲେ, ‘ଅସମ୍ଭାଳ ହୋଇଗଲା’ । ଭିଡିଓଟି ସଞ୍ଜୀବ ବବର ନାମକ ଜଣେ ୟୁଜର୍ସ ସେୟାର କରିଥିବା ଜଣାପଡ଼ିଛି । ଭିଡିଓଟିକୁ ସେୟାର କରିବା ସହ ସଞ୍ଜୀବ ଲେଖିଛନ୍ତି, ଦିଲ୍ଲୀ ମେଟ୍ରୋ ରେଲୱେ ଷ୍ଟେସନରେ ବୋଧହୁଏ ଏଭଳି ଘଟଣା ପ୍ରଥମ । ଭିଡିଓଟି ମାଲୱିନଗର ମେଟ୍ରୋର ବୋଲି କହିଛନ୍ତି ।