ଖ୍ରୀଷ୍ଟମାସରେ ରିଲିଜ୍ ହେବନି କ୍ୟାଟ୍ରିନାଙ୍କ ଫିଲ୍ମ, ଏହି କାରଣରୁ ଘୁଞ୍ଚିଲା ଡେଟ୍

ମୁମ୍ବାଇ : ଚଳିତ ବର୍ଷ ଡିସେମ୍ବରରେ ମୁକ୍ତିଲାଭ କରିଥାନ୍ତା କ୍ୟାଟ୍ରିନା କୈଫ୍ ଓ ବିଜୟ ସେଥୁପତି ଷ୍ଟାରର୍ ‘ମେରି ଖ୍ରୀଷ୍ଟମାସ’। ଏବେ କିନ୍ତୁ ଶୁଣିବାକୁ ମିଳୁଛି, ‘ମେରି ଖ୍ରୀଷ୍ଟମାସ’ର ନିର୍ମାତା ଏହାର ରିଲିଜ୍ ତାରିଖକୁ ଘୁଞ୍ଚାଇବାକୁ ନିଷ୍ପତ୍ତି ନେଇଛନ୍ତି । ଫିଲ୍ମର ନିର୍ଦ୍ଦେଶନା ଦେଇଛନ୍ତି ଶ୍ରୀରାମ ରାଘବନ । ଆସନ୍ତା ଡିସେମ୍ବର ୨୩ ତାରିଖରେ ‘ମେରି ଖ୍ରୀଷ୍ଟମାସ’ର ରିଲିଜ୍ ତାରିଖ ଘୋଷଣା ହୋଇଥିଲା । କିନ୍ତୁ ‘ଗନ୍ପଥ’ ଓ ‘ସର୍କସ୍’ ସେହି ଦିନ ମୁକ୍ତିଲାଭ କରୁଥିବାରୁ ବକ୍ସ ଅଫିସରେ ବଡ଼ ଧରଣର ଲଢ଼େଇ ହେବ । ଯାହା ଫଳରେ ଫିଲ୍ମକୁ ବହୁତ ସଂଘର୍ଷ କରିବାକୁ ପଡ଼ିବ । ତେଣୁ ଏହି ସ୍ଥିତିକୁ ଦୃଷ୍ଟିରେ ରଖି ନିର୍ମାତା ଫିଲ୍ମର ରିଲିଜ୍ ତାରିଖ ଘୁଞ୍ଚାଇବାକୁ ନିଷ୍ପତ୍ତି ନେଇଛନ୍ତି । ବକ୍ସ ଅଫିସରେ ଭଲ ଆୟ କରିବା ପାଇଁ ସେମାନେ ଏବେ ଉପଯୁକ୍ତ ରିଲିଜ୍ ତାରିଖ ଖୋଜୁଛନ୍ତି । ତାହା ସ୍ଥିର କରିବା ପରେ ଫିଲ୍ମର ରିଲିଜ୍ ତାରିଖ ଘୁଞ୍ଚିବା ଓ ନୂଆ ତାରିଖ ବିଷୟରେ ସେମାନେ ଔପଚାରିକ ଘୋଷଣା କରିବେ ।