ନୂଆଦିଲ୍ଲୀ: ଉତ୍ତରପ୍ରଦେଶର ସାହାରନପୁର ଜିଲ୍ଲାରେ ଏକ ହୃଦୟ ବିଦାରକ ଘଟଣା ଘଟିଛି । ପେଟ୍ରୋଲ ସ୍ପ୍ରେ କରି ପତ୍ନୀ ଏବଂ ଶାଶୁଙ୍କୁ ନିଆଁ ଲଗାଇ ଦେଲା ଜ୍ବାଇଁ । ଜୀବନ୍ତ ଜଳିଯିବା କାରଣରୁ ଶାଶୁଙ୍କର ମୃତ୍ୟୁ ହୋଇଥିବା ବେଳେ ପତ୍ନୀଙ୍କ ଅବସ୍ଥା ଗୁରୁତର ରହିଛି । ତାଙ୍କୁ ସ୍ଥାନୀୟ ଡାକ୍ତରଖାନାରେ ଚିକିତ୍ସା କରାଯାଉଛି । ଏହି ଘଟଣା ପରେ ଆଖପାଖ ଅଞ୍ଚଳରେ ସମ୍ବେଦନଶୀଳତା ଖେଳିଯାଇଛି । କୁହାଯାଉଛି ଯେ ଅଭିଯୁକ୍ତ ଜ୍ବାଇଁର ପତ୍ନୀ ଏବଂ ଶାଶୁଙ୍କ ସହ ବିବାଦ ଲାଗି ରହୁଥିଲା । ଏଥିରେ ରାଗିଯାଇ ଜ୍ବାଇଁ ଶାଶୁ ଓ ପତ୍ନୀଙ୍କୁ ଜୀବନ୍ତ ଜାଳି ଦେଇଛି ଜ୍ବାଇଁ ।
ପୋଲିସର ସୂଚନାନୁସାରେ, ସାହାରନପୁରର ଜାନକପୁରୀ ପୋଲିସ ଷ୍ଟେସନ ଅଞ୍ଚଳରେ ଶନିବାର ସକାଳେ ଏହି ଘଟଣା ଘଟିଛି । ନିତିନ ନାମକ ଜଣେ ଯୁବକ ଭୋର ପ୍ରାୟ ଚାରିଟା ବେଳେ ତାଙ୍କ ଶାଶୁ ପାୟଲ ଏବଂ ପତ୍ନୀଙ୍କ ଉପରେ ପେଟ୍ରୋଲ ସ୍ପ୍ରେ କରି ନିଆଁ ଲଗାଇ ଦେଇଥିଲେ । ଏହି କାରଣରୁ ଉଭୟେ ନିଆଁରେ ପୋଡି ହୋଇଯାଇଥିଲେ । ତାଙ୍କ ପାଟି ଶୁଣି ଆଖପାଖର ଲୋକମାନେ ଏକତ୍ରିତ ହୋଇଥିଲେ ।
ପରେ ଉଭୟଙ୍କୁ ନିଆଁ ଲିଭାଇବା ପରେ ତୁରନ୍ତ ଜିଲ୍ଲା ଡାକ୍ତରଖାନା ନିଆଯାଇଥିଲା। ସେଠାରେ ଚିକିତ୍ସା ସମୟରେ ଗୁରୁତର ଭାବେ ଶାଶୁ ପାୟଲଙ୍କ ମୃତ୍ୟୁ ହୋଇଥିଲା । ଏଥିସହିତ ନିତିନଙ୍କ ପତ୍ନୀଙ୍କ ଅବସ୍ଥା ଗୁରୁତର ରହିଛି । ସେ ଚିକିତ୍ସିତ ହେଉଛନ୍ତି ।
ଶାଶୁ ଓ ପତ୍ନୀଙ୍କୁ ପେଟ୍ରୋଲ୍ ସ୍ପ୍ରେ କରି ଜୀଅନ୍ତା ଜାଳିଦେଲେ ଯୁବକ
