ନୂଆଦିଲ୍ଲୀ: ୟୁନିଲିଭର କମ୍ପାନୀର ଅନେକ ସାମ୍ପୁରେ ବେଞ୍ଜୀନ୍ ନାମକ ଭୟଙ୍କର କେମିକାଲ ମିଳିବା ପରେ କମ୍ପାନୀ ଆମେରିକା ବଜାରରୁ ନିଜ ଉତ୍ପାଦ ଫେରାଇବାକୁ ନିଷ୍ପତି ନେଇଛି । ଏହାରି ମଧ୍ୟରେ ୟୁନିଲିଭର ସହାୟକ କମ୍ପାନୀ କମ୍ପାନୀ ହିନ୍ଦୁସ୍ତାନ ୟୁନିଲିଭର(ଏଚୟୁଏଲ) ଏହି ଖବରକୁ ନେଇ ସ୍ପଷ୍ଟିକରଣ ରଖିଛି । କମ୍ପାନୀ କହିଛି ଯେ, ଭାରତରେ ଏପ୍ରକାର କୋଣସି ଉତ୍ପାଦ ବିକ୍ରି ହେଉନାହିଁ । କମ୍ପାନୀର ଅନେକ ସାମ୍ପୁ ବ୍ରାଣ୍ଡରେ ବେଞ୍ଜୀନ୍ ନାମକ ଏକ ବିପଜ୍ଜନକ ରାସାୟନିକ ପଦାର୍ଥ ମିଳିଛି, ଯାହା କର୍କଟ ରୋଗ ହେବାର ଆଶଙ୍କା ରହିଛି । ଏଚୟୁଏଲ ଅନୁଯାୟୀ, କମ୍ପାନୀ ଭାରତରେ ଏପରି ଉତ୍ପାଦ ଉତ୍ପାଦନ କରେ ନାହିଁ କିମ୍ବା ଏଠାରେ ବିକ୍ରୟ କରେ ନାହିଁ । ଏଚୟୁଏଲ ମୁଖପାତ୍ର ବିଜନେସ୍ ଟୁଡେକୁ କହିଛନ୍ତି, “ଆମେ ଭାରତରେ ଡ୍ରାଇ ସାମ୍ପୁ ଉତ୍ପାଦନ କିମ୍ବା ବିକ୍ରୟ କରୁନାହୁଁ । ୟୁନିଲିଭର ଆମେରିକା ଏବଂ କାନାଡା ସ୍ୱେଚ୍ଛାକୃତ ଭାବରେ ଅକ୍ଟୋବର ୨୦୨୧ପୂର୍ବରୁ ଉତ୍ପାଦିତ ଡ୍ରାଇ ସାମ୍ପୁଗୁଡିକୁ ବଜାରରୁ ପ୍ରତ୍ୟାହାର କରିବାକୁ ନିଷ୍ପତି ନେଇଛନ୍ତି ।
ମୁଖପାତ୍ର ଏହା ମଧ୍ୟ କହିଛନ୍ତି ଯେ ଆଭ୍ୟନ୍ତରୀଣ ଅନୁସନ୍ଧାନ ପରେ ଏହି ଉତ୍ପାଦରେ ଉଚ୍ଚ ସ୍ତରର ବେଞ୍ଜୀନ୍ ଚିହ୍ନଟ କରାଯାଇଥିଲା । ଏହା ପରେ ହିଁ ବଜାରରୁ ଏହାକୁ ପ୍ରତ୍ୟାହାର କରିବାକୁ ନିଷ୍ପତ୍ତି ନିଆଯାଇଥିଲା । ୟୁନିଲିଭର ଦ୍ୱାରା କପୋ ଡ୍ରାଇ ସାମ୍ପୁ ମୁଖ୍ୟତ ଆମେରିକା ଏବଂ କାନାଡା ବଜାରରେ ବିକ୍ରି ହୁଏ । ସୂଚନାଯୋଗ୍ୟ ଅକ୍ଟୋବର ୨୧ରେ, ଆମେରିକାର ନିୟାମକ ସଂସ୍ଥା ଖାଦ୍ୟ ଏବଂ ଡ୍ରଗ୍ ଆଡମିନିଷ୍ଟ୍ରେସନ ବଜାରରୁ ଡୋଭ ଡ୍ରାଇସାମ୍ପୁ ପାଇଁ ଏକ ପ୍ରତ୍ୟାବର୍ତ୍ତନ ବିଜ୍ଞପ୍ତି ଜାରି କରିଥିଲା । ତଦନ୍ତକାରୀମାନେ ଜାଣିବାକୁ ପାଇଛନ୍ତି ଯେ ଏହି ଦ୍ରବ୍ୟରେ ଅଧିକ ପରିମାଣର ବେଞ୍ଜୀନ୍ ରହିଛି । ଏହା କର୍କଟ ରୋଗର କାରଣ ହୋଇପାରେ । ସାଧାରଣତ ପାଣି ଅଭାବ ଥିବା ଅଞ୍ଚଳରେ ଶୁଖିଲା ସାମ୍ପୁ ବ୍ୟବହାର କରାଯାଏ । ଏହି ଉତ୍ପାଦ ବ୍ୟବହାର କରି କେଶ ଧୋଇବା ପାଇଁ କୌଣସି ପାଣିର ଆବଶ୍ୟକ ହୁଏନାହିଁ । ଡୋଭ ବ୍ୟତୀତ ୟୁନିଲିଭର ବ୍ରାଣ୍ଡେଡ୍ ଉତ୍ପାଦ – ନକ୍ସସ୍, ସୁଆଭ୍, ଟିଜିଇ ଏବଂ ଟ୍ରେସେମ୍ ପ୍ରତ୍ୟାହାର ପାଇଁ ମଧ୍ୟ ଆଦେଶ ଜାରି କରାଯାଇଛି । ଏହି ସମସ୍ତ ଉତ୍ପାଦଗୁଡିକରେ ଉଚ୍ଚ ସ୍ତରର ବେଞ୍ଜୀନ୍ କେମିକାଲ ଥିବା କୁହାଯାଇଛି ।
