ଟି-୨୦ ବିଶ୍ୱକପ : ଇଂଲଣ୍ଡକୁ ହରାଇଲା ଆର୍ୟଲାଣ୍ଡ

ମେଲବର୍ଣ୍ଣ : ଟି-୨୦ ବିଶ୍ୱକପର ଆଜିର ମ୍ୟାଚରେ ମଜବୁତ ଟିମ୍ ଇଂଲଣ୍ଡକୁ ହରାଇଲା ଆର୍ୟଲାଣ୍ଡ। ମେଲବର୍ଣ୍ଣରେ ଖେଳାଯାଉଥିବା ମ୍ୟାଚ୍ ବର୍ଷା ଯୋଗୁଁ ଆର୍ୟଲାଣ୍ଡ ଟିମ୍ ଇଂଲଣ୍ଡ ଟିମକୁ ଡିଏଲଏସ ନିୟମ ଅନୁସାରେ ୫ ରନରେ ହରାଇଛି। ଆର୍ୟଲାଣ୍ଡ ଟିମ ପ୍ରଥମେ ବ୍ୟାଟିଂ କରି ୧୯.୫ ଓଭରରେ ୧୫୭ ରନରେ ଅଲଆଉଟ୍ ହୋଇଥିଲା। ଜବାବରେ ଇଂଲଣ୍ଡ ଟିମ୍ ୧୪.୩ ଓଭରରେ ୫ ଓ୍ଵିକେଟ ହରାଇ ୧୦୫ ରନ୍ କରିଥିଲା। ତା’ ପରେ ବର୍ଷା ହୋଇଥିଲା। ଯାହା ଯୋଗୁଁ ଆଉ ଖେଳ ହୋଇପାରିନଥିଲା। ତେବେ ଡକଓ୍ଵର୍ଥ ଲୁଇସ ଷ୍ଟର୍ନ (ଡିଏଲଏସ) ନିୟମ ଅନୁଯାୟୀ ଇଂଲଣ୍ଡ ସେତେବେଳେ ୫ ରନ ପଛରେ ରହିଥିଲା। ଏହି ନିୟମ ଅନୁସାରେ ୫ ରନରେ ଜିତିଲା ଆର୍ୟଲାଣ୍ଡ। ତେବେ ଆର୍ୟଲାଣ୍ଡ ଟିମ୍ ଟି-୨୦ ବିଶ୍ୱକପରେ େଓ୍ଵଷ୍ଟଇଣ୍ଡିଜ ଏବଂ ଇଂଲଣ୍ଡ ଭଳି ଟିମକୁ ହରାଇବାରେ ସକ୍ଷମ ହୋଇଛି।