କ୍ରିମିଆ ଓ ରୁଷିଆକୁ ସଂଯୋଗ କରୁଥିବା ବ୍ରିଜରେ ବିସ୍ଫୋରଣ

ନୂଆଦିଲ୍ଲୀ : କ୍ରିମିଆ ଓ ରୁଷିଆକୁ ସଂଯୋଗ କରୁଥିବା ବ୍ରିଜରେ ବିସ୍ଫୋରଣ । ଆଜି ସକାଳେ କେର୍ଚ ବ୍ରିଜରେ ଶକ୍ତିଶାଳୀ ବିସ୍ଫୋରଣ ହୋଇଛି । ଯେଉଁ ସମୟର ଦୃଶ୍ୟ କଏଦ ହୋଇଛି କ୍ୟାମେରାରେ। ଫଟୋ ଦେଖିଲେ ବିସ୍ଫୋରଣ କେତେ ଭୟଙ୍କର ଥିଲା ତାହା ବାରି ହୋଇପଡିବ । ବିସ୍ଫୋରଣ ପରେ ଘଟଣାସ୍ଥଳରେ ପ୍ରବଳ ଧୂଆଁ ଓ ନିଆଁ ବାହାରିଥିଲା । ରୁଷ୍ ଅଧିକୃତ କ୍ରିମିଆ ଓ ରୁଷକୁ ସଂଯୋଗ କରୁଛି ଏହି ବ୍ରିଜ୍ । ଦୁଇଟି ବିସ୍ଫୋରଣର ଚିତ୍ର ସାମନାକୁ ଆସିଛି । ଗୋଟିଏ ଭିଡିଓରେ ଟ୍ରେନ୍ ଲାଇନରେ ବିସ୍ଫୋରଣ ପରେ ହୁ ହୁ ହୋଇ ନିଆଁ ଲାଗୁଛି । ତୈଳ ବୋଝେଇ କାର୍ରେ ନିଆଁ ଲାଗି ବିସ୍ଫୋରଣ ହୋଇଥିବା ଜଣା ପଡୁଛି । ସେହିପରି ଟ୍ରେନ୍ ଲାଇନ ପାଖରେ ଯାଇଥିବା ରୋଡରେ ବି ବିସ୍ଫୋରଣ ହୋଇଛି । ତେବେ କେମିତି ଓ କେଉଁ ପରିସ୍ଥିତିରେ ବ୍ରିଜ୍ ଉପରେ ବିସ୍ଫୋରଣ ହେଲା ସ୍ପଷ୍ଟ ହୋଇନି ।