କୋଲକାତାରେ ଆରମ୍ଭ ହେଲା ଟ୍ରାଫିକ ଇ-କୋର୍ଟ

କୋଲକାତା : କୋଲକାତା ମହାନଗରରେ ଦେଶର ପ୍ରଥମ ଟ୍ରାଫିକ ଇ-କୋର୍ଟ ଖୋଲିଛି। କୋଲକାତା ହାଇକୋର୍ଟଙ୍କ ଚିଫ ଜଷ୍ଟିସ୍ ପ୍ରକାଶ ଶ୍ରୀବାସ୍ତବ ବେଙ୍ଗଲର ପ୍ରଥମ ଟ୍ରାଫିକ ଇ-କୋର୍ଟକୁ ଉଦଘାଟନ କରିବା ପ୍ରଥମ ଦିନ ରେ ୧୯ ହଜାର ମୋକଦ୍ଦମା ରୁଜୁ ହୋଇଛି। ଉଦଘାଟନୀ ଉତ୍ସବରେ ମୁଖ୍ୟନ୍ୟାୟାଧୀଶ ନ୍ୟାୟପାଳିକାରେ ଟେକ୍ନୋଲଜିର ଉପଯୋଗ ବିଷୟରେ କହିଥିଲେ। ସେ କହିଥିଲେ ଯେ ନ୍ୟାୟପାଳିକା ଆଧୁନିକରଣ ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ନେଇଛନ୍ତି। ଦେଶରେ ମହାମାରୀ କାଳରେ ନ୍ୟାୟାଳୟରେ ପ୍ରଯୁକ୍ତିର ମହତ୍ୱ ଆମେ ଅନୁଭବ କରିପାରିଥିଲେ। ଯେତେବେଳେ ଆମେ ଭର୍ଚୁଆଲ ଓ ହାଇବ୍ରିଡ ମୋଡରେ କାମ କରିଥିଲେ। ଥରେ ଇ-ଚାଲାଣ କଟିଲେ ଏସଏମଏସ ଯିବ ଓ ଉଲ୍ଲଂଘନକର୍ତ୍ତା ଲଗଇନ କରି ପୈଠ କରିପାରିବ ନଚେତ କେସ୍ ଲଢିପାରିବେ ବୋଲି ସେ କହିଛନ୍ତି। ଏହି ଅବସରରେ ସଂଯୁକ୍ତ ସିପି (ଯାତାୟାତ) ପୈଠ ନ ହୋଇଥିବା ସମସ୍ତ ଲମ୍ବିତ ମାମଲା ୧୫ ଦିନ ଅନ୍ତରାଳରେ ଇ-କୋର୍ଟକୁ ପହଞ୍ଚିଯିବ ବୋଲି କହିଛନ୍ତି। ଏବେ ଚାଲାଣ ୪ ଗାର୍ଡ ଯେପରିକି ଦକ୍ଷିଣ ମୁଖ୍ୟାଳୟ, ହାୱଡାବ୍ରିଜ ଓ ଜୋରାବାଗାନରେ ଜେନେରେଟ ହେଉଛି। ଜରିମନା ଘଟଣାସ୍ଥଳରେ ନଗଦ ଅଥବା ଡେବିଟ କିମ୍ବା କ୍ରେଡିଟ କାର୍ଡ ଦ୍ୱାରା ପୈଠ କରାଯାଇପାରିବ। ରାଜ୍ୟରେ ଇ-କୋର୍ଟ ଆରମ୍ଭ ହେବା ପରେ ଟ୍ରାଫିକ ମୋକଦ୍ଦମାରେ ସୁଧାର ହେବ ବୋଲି ଆଶା କରାଯାଉଛି।