ବଜ୍ରପାତରେ ଦୁଇ ମୃତ

ବାରିପଦା : ବାରିପଦା ସହରଠାରୁ ପ୍ରାୟ ସାତ କିଲୋମିଟର ଦୂର ୨ଟି ସ୍ଥାନରେ ବଜ୍ରପାତ ଘଟି ଦୁଇ ଜଣଙ୍କ ମୃତ୍ୟୁ ଘଟିଛି । ମୃତକମାନେ ହେଲେ ଶାମାଖୁଣ୍ଟା ବ୍ଲକ୍ ସିନ୍ଦୁରଗୌରା ପଞ୍ଚାୟତ ଆତ୍ମବି ଗ୍ରାମର ମନସା ସିଂ(୫୫), କୁଳିଅଣା ବ୍ଲକ୍‌ର ବାଇଗଣବାଡ଼ିଆ ପଞ୍ଚାୟତ ଭୋଳଗଡ଼ିଆ ଗ୍ରାମର ସିନଗୋ ସୋରେନ(୭୨) । ମନସା ସିଂ ନିଜ ଗ୍ରାମରୁ ଅସ୍ତିଆ ବଜାରକୁ ପନିପରିବା ବିକିବା ପାଇଁ ଯାଉଥିବା ବେଳେ ସିନ୍ଦୁରଗୌରା ଗ୍ରାମ ନିକଟରେ ବଜ୍ରପାତ ଶିକାର ହୋଇଥିଲେ । ସିନଗୋ ସୋରେନ ଗାଈ ଚରାଇ ଘରକୁ ଫେରୁଥିବା ରାସ୍ତାରେ ଭୋଳଗଡ଼ିଆ ଗ୍ରାମ ନିକଟ ପଡ଼ିଆରେ ବଜ୍ରପାତରେ ଗୁରୁତର ହୋଇଥିଲେ । ସେମାନଙ୍କୁ ବାରିପଦା ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜ ହସ୍ପିଟାଲକୁ ଚିକିତ୍ସା ନିମନ୍ତେ ଅଣାଯାଇଥିଲେ ମଧ୍ୟ ସେଠାର ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ ।