କାମୁଡ଼େଇ ପୀଠରେ ଅବସର ପ୍ରାପ୍ତ କର୍ମଚାରୀ ସଙ୍ଘର ବୈଠକ

ଯାଜପୁର : ଯାଜପୁର ଜିଲ୍ଲାର କୋରାଇ ବ୍ଲକ ଅନ୍ତର୍ଗତ ରଗଡି ସ୍ଥିତ ମା କାମୁଡ଼େଇ ପୀଠ ରେ ଆଞ୍ଚଳିକ ଅବସରପ୍ରାପ୍ତ କର୍ମଚାରୀ ସଙ୍ଘ, ର ମାସିକ ବୈଠକ ଅନୁଷ୍ଠିତ ହୋଇଯାଇଛି । ଏହି ଅବସରରେ ଜିଲ୍ଲା ଏଲଡର ଲାଇନ ର ଏଫ.ଆର.ଓ ସନ୍ତୋଷ କୁମାର ବେହେରା ଉପସ୍ଥିତ ରହିଥିଲେ । ଡ଼ ଯଦୁମଣି ଦାସ ସଭାପତିତ୍ବ କରିବା ସହ ବୟସ୍କ ମାନଙ୍କ ପାଇଁ ସିନିଅର ସିଟିଜେନ କାର୍ଡ ବିଷୟରେ ଆଲୋଚନା କରିଥିଲେ । ଏହି ଅବସରରେ ଏଫ. ଆର. ଓ ସନ୍ତୋଷ କୁମାର ବେହେରା ଏଲଡର ଲାଇନ ଦ୍ୱାରା ମିଳୁଥିବା ସହାୟତା ବିଷୟରେ ଆଲୋଚନା କରିଥିଲେ । ଶିକ୍ଷକ ଶରତ କୁମାର ଦାସ ବାର୍ଷିକ ପତ୍ରିକା ଅବସର ପରବର୍ତୀ ସଂସ୍କରଣ ପାଇଁ ଆହ୍ୱାନ କରିଥିଲେ । ଏହି ଅବସରରେ ସ୍ବର୍ଗତ ଗିରିଧାରୀ ପରିଡାଙ୍କ ପାଇଁ ଶୋକ ପ୍ରସ୍ତାବ ହୋଇଥିଲା । ଶିକ୍ଷକ ହରିହର ଜେନା ଯିଏକି ଏବେ କ୍ୟାନ୍ସର ରେ ପୀଡିତ, ତାଙ୍କ ପାଇଁ କିଛି ଆର୍ଥିକ ସହାୟତା ସଂଗ୍ରହ କରାଯାଇଥିଲା । ଆଗାମୀ ଅନ୍ତର୍ଜାତୀୟ ବୟସ୍କ ଦିବସ ପାଇଁ ମଧ୍ୟ କାର‌୍ୟ୍ୟସୂଚୀ କରାଯାଇଥିଲା । ଏହି ସଭାରେ ଶିକ୍ଷକ ପାଣୁ ଚରଣ କର, ପୁରସ୍ତମ ରାଉତ, କୈଳାଶ ଚନ୍ଦ୍ର ଖଟୁଆ, ଜଗତ ବଲ୍ଲଭ ସ୍ୱାଇଁ, ମଦନ ମୋହନ କର, ଶରତ କୁମାର ଦାସ, ବୃନ୍ଦାବନ ଖଟୁଆ, ବସନ୍ତ କୁମାର କର, ରବିନାରାୟଣ ଦାସ, କୃପାସିନ୍ଧୁ ରାଉତ, ବିକଳ ତ୍ରିପାଠୀ, ଜଳଧର ଜେନା ଆଦି ଉପସ୍ଥିତ ରହିଥିଲେ । ଶେଷରେ ମଦନ ମୋହନ କର ଧନ୍ୟବାଦ ଦେଇଥିଲେ ।