ମୂର୍ତ୍ତି ବିସର୍ଜନ ବେଳେ ଅଘଟଣ, ଯମୁନା ନଦୀରେ ବୁଡି ୫ ମୃତ

ନୂଆଦିଲ୍ଲୀ: ଯମୁନା ନଦୀରେ ଅଘଟଣ । ଭଗବାନ କୃଷ୍ଣଙ୍କ ମୂର୍ତ୍ତି ବିସର୍ଜନ କରିବାରୁ ଯାଇଥିବା ବେଳେ ନଦୀରେ ବୁଡି ୫ ଜଣଙ୍କର ମୃତ୍ୟୁ ହୋଇଥିବା ସୂଚନା । ଏଭଳି ଅଭାବନୀୟ ଘଟଣା ଘଟିଛି ଦିଲ୍ଲୀ ନୋଏଡାର ଡିଏନଡି ଫ୍ଲାଏ ଓଭର ନିକଟ ଯମୁନା ନଦୀରେ । ପାଞ୍ଚ ମୃତକ ହେଉଛନ୍ତି ଅଙ୍କିତ, ଲକି, ଲଲିତ, ବେରୁ, ରିତୁରାଜ ଓ ସାନୁ । ସୂଚନା ଅନୁଯାୟୀ, ଗତକାଲି କୃଷ୍ଣ ମୂର୍ତ୍ତି ବିସର୍ଜନ ପାଇଁ ଛଅ ଜଣ ଯୁବକ ଯମୁନା ନଦୀକୁ ଯାଇଥିଲେ । ନଦୀମଧ୍ୟକୁ ପ୍ରବେଶ କରି ମୂର୍ତ୍ତି ବିସର୍ଜନ କରୁଥିବା ବେଳେ ସମସ୍ତେ ନଦୀର ଅକାତକାତ ପାଣିରେ ବୁଡି ଯାଇଥିଲେ । ସେମାନଙ୍କ ମଧ୍ୟରୁ ଜଣେ ନଦୀ କୂଳକୁ ଫେରି ଆସିଥିବା ବେଳେ ଅନ୍ୟ ପାଞ୍ଚ ଜଣ ନିଖୋଜ ହୋଇଯାଇଥିଲେ । ଏନେଇ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଉଦ୍ଧାରକାରୀ ଟିମ ଦ୍ବାରା ସର୍ଚ୍ଚ ଅପେରସନ ଆରମ୍ଭ କରି ୫ ଜଣଙ୍କ ମୃତଦେହ ଉଦ୍ଧାର ନଦୀରୁ ଉଦ୍ଧାର କରିଥିଲା। ଏହା ପରେ ମୃତଦେହ ବ୍ୟବଚ୍ଛେଦ ପାଇଁ ସଫଦରଜଙ୍ଗ ହସ୍ପିଟାଲକୁ ପଠାଇଥିଲା । ସମସ୍ତ ମୃତକ ଗ୍ରେଟର ନୋଏଡାର ସାଲରପୁର ବାସିନ୍ଦା ହୋଇଥିବା ପୋଲିସ ତରଫରୁ ସୂଚନା ମିଳିଛି ।