ପାଣିରେ ବୁଡି ଅଜା-ନାତି ମୃତ

ନବରଙ୍ଗପୁର: ନବରଙ୍ଗପୁର ଜିଲ୍ଲା କୋଷଗୁମୁଡ଼ା ବ୍ଲକ ଅନ୍ତର୍ଗତ କାନାଗୁଡ଼ାର ଛଞ୍ଚାଣକୋଟ ଠାରେ ଥିବା ଏକ ବନ୍ଧରେ ବୁଡି ଅଜା ଓ ନାତିଙ୍କର ମୃତ୍ୟୁ ହୋଇଯାଇଛି। ମିଳିଥିବା ସୂଚନା ଅନୁସାରେ ରବିବାର କାନାଗୁଡ଼ାର ଲବ ହରିଜନ(୬୨) ବିଲକୁ ଯାଇଥିଲେ। ତାଙ୍କ ନାତି ସୁରଜ ମଧ୍ୟ ଅଜା ସହିତ ଘରକୁ ଫେରୁଥିଲା। ଛଞ୍ଚାଣକୋଟ ଠାରେ ଥିବା ଏକ ବନ୍ଧରେ ସେମାନେ ଗୋଡ ଧୋଉଥିବା ବେଳେ ପ୍ରଥମେ ନାତି ସୁରଜର ଗୋଡ ଖସିଯଇ ବନ୍ଧ ଭିତରକୁ ପଳେଇଯାଇଥିଲା। ନାତି ପାଣିରେ ବୁଡିଯାଉଥିବା ଦେଖି ଅଜା ଲବ ନାତିକୁ ଉଦ୍ଧାର କରିବା ପାଇଁ ପାଣି ଭିତରକୁ ପଶିଗଲା। କିନ୍ତୁ ଆଉ ଉପରକୁ ଆସିପାରିଲା ନାହିଁ। ମୃତ ଅଜା ଓ ନାତିଙ୍କୁ ସ୍ଥାନୀୟ ଅଗ୍ନିଶମ ବାହିନୀ ଉଦ୍ଧାର କରିଥିଲେ।