ଆଜି ରାଷ୍ଟ୍ରପତି ନିର୍ବାଚନୀ ଫଳାଫଳ ଘୋଷଣା, ଦ୍ରୌପଦୀଙ୍କ ବିଜୟ ଉତ୍ସବ ପାଇଁ ୨୦ ହଜାର ଲଡ଼ୁ ପ୍ରସ୍ତୁତ

ରାଇରଙ୍ଗପୁର : ଆଜି ରାଷ୍ଟ୍ରପତି ନିର୍ବାଚନୀ ଫଳାଫଳ ଘୋଷଣା । ଏନେଇ ଉତ୍ସାହିତ ଅଛନ୍ତି ରାଇରଙ୍ଗପୁରବାସୀ । ନିର୍ବାଚନରେ ଦ୍ରୌପଦୀ ମୁର୍ମୁ ବିଜୟ ହାସଲ କରିବେ ବୋଲି ଆଶ୍ୱସ୍ତ ଅଛନ୍ତି ରାଇରଙ୍ଗପୁର ବାସିନ୍ଦା । ବିଜୟ ଉତ୍ସବ ପାଳନ କରିବା ପାଇଁ ଦେଶୀ ଗାଈ ଘିଅ, ଅଳେଇଚ, ଗୁଜୁରାତି, ଡାଲଚିନି, କାଜୁ ଏବଂ ବିଭିନ୍ନ ସ୍ୱାଦିଷ୍ଟ ଜିନିଷ ସହ ୧୦ କୁଇଣ୍ଟାଲ ବେସନରେ ହଜାର ହଜାର ଲଡ଼ୁ ପ୍ରସ୍ତୁତ କରାଯାଉଛି । ଏ ମାଟିର ଗର୍ବ ଦ୍ରୌପଦୀ ମୁର୍ମୁଙ୍କ ବିଜୟ ଖୁସିରେ ଅଞ୍ଚଳବାସୀ ପରସ୍ପରକୁ ଲଡୁୁ ଖୁଆଇ ଉତ୍ସବ ପାଳିବେ । ବିଜୟ ଉତ୍ସବ ପାଳିବାକୁ ୨୦ ହଜାର ଲଡ଼ୁ ପ୍ରସ୍ତୁତି ଚାଲିଛି । ରାଇରଙ୍ଗପୁର ଅଞ୍ଚଳବାସୀ ସୁନିଶ୍ଚିତ ଯେ ଏ ମାଟିର ଝିଅ ଓ ବୋହୂ ଦ୍ରୌପଦୀ ମୁର୍ମୁ ହିଁ ବିଜୟୀ ହୋଇ ସର୍ବୋଚ୍ଚ ସାମ୍ବିଧାନିକ ପଦବି ଅଳଙ୍କୃତ କରିବେ । ସ୍ଥାନୀୟ ଲୋକେ ବେଶ ଉତ୍ସାହର ସହ ଭୋଟ ଗଣିତିକୁ ଅପେକ୍ଷା କରି ରହିଛନ୍ତି ।