ପତ୍ନୀ ଓ ପୁଅକୁ ହତ୍ୟା ଉଦ୍ୟମ, ଗୃହକର୍ତ୍ତା ମୃତ

ନାଗପୁର: ମହାରାଷ୍ଟ୍ରର ନାଗପୁର ସହରରେ ରାମରାଜ ଭଟ୍ଟ୍ ନାମକ ଜଣେ ୫୮ ବର୍ଷୀୟ ବ୍ୟବସାୟୀ ପତ୍ନୀ ଓ ପୁଅ ସମେତ ନିଜକୁ ମାରିବାକୁ ଉଦ୍ୟମ କରିଥିବାବେଳେ ନିଜେ ପ୍ରାଣ ହରାଇଛନ୍ତି । ପରିବାରକୁ ହୋଟେଲରେ ଖୁଆଇବାକୁ ନେବା ବାହାନାରେ ରାମରାଜ୍ ପତ୍ନୀ ଓ ପୁଅକୁ କାର୍‌ରେ ବସାଇ ଘରୁ ବାହାରିଥିଲେ । ତେବେ ହଠାତ୍ ରାସ୍ତା ମଝିରେ କାର୍ ଅଟକାଇ ସେ ନିଜ ସମେତ ପତ୍ନୀ ଓ ପୁୁଅ ଉପରେ ପେଟ୍ରୋଲ ଢାଳି ନିଆଁ ଲଗାଇଦେଇଥିଲେ । ପତ୍ନୀ ସଙ୍ଗୀତା (୫୭) ଓ ପୁଅ ନନ୍ଦନ (୨୫) କୌଣସି ପ୍ରକାରେ ଡୋର୍ ଖୋଲି ବାହାରକୁ ଡେଇଁପଡିଥିଲେ । କାର୍ ମଧ୍ୟରେ ରାମରାଜ୍‌ଙ୍କ ମୃତ୍ୟୁ ଘଟିଥିବାବେଳେ ଗୁରୁତର ଅବସ୍ଥାରେ ସଙ୍ଗୀତା ଓ ନନ୍ଦନ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । କାର୍ ମଧ୍ୟରୁ ପୁଲିସ ଏକ ସୁଇସାଇଡ୍ ନୋଟ ଜବତ କରିଛି । ବ୍ୟବସାୟରେ ପ୍ରବଳ କ୍ଷତି ହୋଇଥିବାରୁ ସପରିବାର ଆତ୍ମହତ୍ୟା କରୁଥିବା ରାମରାଜ୍ ନୋଟ୍‌ରେ ଉଲ୍ଲେଖ କରିଛନ୍ତି ।