ଆଜିଠାରୁ ସିୟୁଇଟି ଏକକ ୟୁଜି ପ୍ରବେଶିକା

ଭୁବନେଶ୍ୱର: କେନ୍ଦ୍ରୀୟ ବିଶ୍ୱବିଦ୍ୟାଳୟରେ ସ୍ନାତକ ନାମଲେଖା ପାଇଁ ଏକକ ୟୁଜି ପ୍ରବେଶିକା(ସିୟୁଇଟି) ଆଜିଠାରୁ ଆରମ୍ଭ । ଚଳିତବର୍ଷ ଏହି ୧୪ ଲକ୍ଷରୁ ଅଧିକ ଛାତ୍ରଛାତ୍ରୀ ପରୀକ୍ଷା ଦେବାକୁ ଥିବାବେଳେ ଦେଶରେ ୫ଶହ ଓ ବିଦେଶର ୧୦ଟି ସହରରେ ପରୀକ୍ଷା କେନ୍ଦ୍ର କରାଯାଇଛି । ଏନଟିଏ ଦ୍ୱାରା ପରୀକ୍ଷା ପରିଚାଳିତ ହେଉଥିବାବେଳେ ଓଡ଼ିଶାର ୨୮ଟି ସହରରେ ମଧ୍ୟ ଛାତ୍ରଛାତ୍ରୀ ପରୀକ୍ଷା ଦେବେ । ଚଳିତ ବର୍ଷ ଦୁଇଟି ପର୍ଯ୍ୟାୟରେ ଏକକ ୟୁଜି ପ୍ରବେଶିକା ଅନୁଷ୍ଠିତ ହେବ । ଜୁଲାଇ ୧୫ରୁ ପ୍ରଥମ ଓ ଅଗଷ୍ଟ ୪ରୁ ଦ୍ୱିତୀୟ ପର୍ଯ୍ୟାୟ ପ୍ରବେଶିକା ପରୀକ୍ଷା ଅନୁଷ୍ଠିତ ହେବାକୁ ଥିବାବେଳେ ପ୍ରଥମ ପର୍ଯ୍ୟାୟ ପରୀକ୍ଷା ଜୁଲାଇ ୧୫, ୧୬, ୧୯ ଓ ୨୦ ତାରିଖରେ ଅନୁଷ୍ଠିତ ହେବ। ସେହିପରି ଏକକ ୟୁଜି ପ୍ରବେଶିକାରେ କୋରାପୁଟ ସ୍ଥିତ କେନ୍ଦ୍ରୀୟ ବିଶ୍ୱବିଦ୍ୟାଳୟ ସାମିଲ ହୋଇଛି । ଏବର୍ଷ ଓଡ଼ିଶା କେନ୍ଦ୍ରୀୟ ବିଶ୍ୱବିଦ୍ୟାଳୟରେ ୫ ବର୍ଷିଆ ଇଣ୍ଟିଗ୍ରେଟେଡ ମ୍ୟାଥମେଟିକ୍ସ ବିଭାଗରେ ଛାତ୍ରଛାତ୍ରୀ ଏକକ ପ୍ରବେଶିକା ଦ୍ୱାରା ନାମ ଲେଖାଇବେ ।