କରୋନାର ୟୁଟର୍ଣ୍ଣ , ସପ୍ତାହକ ମଧ୍ୟରେ ଟପିଛି ୫୦ ହଜାର

ନୂଆଦିଲ୍ଲୀ: ଦେଶରେ ବଢି ଚାଲିଛି ଦୈନିକ କରୋନା ସଂକ୍ରମଣ ମାମଲା । ଲଗାତର ତୃତୀୟ ଦିନ ଧରି ଦୈନିକ ସଂକ୍ରମଣ ମାମଲା ୮ ହଜାର ଟପିଛି । ଗତ ୨୪ ଘଣ୍ଟାରେ ରିପୋର୍ଟ ହୋଇଛି ୮ ହଜାର ୮୪ଟି ନୂଆ ମାମଲା । ନୂଆ ମାମଲା ସହ ଦେଶରେ ମୋଟ ସଂକ୍ରମିତଙ୍କ ସଂଖ୍ୟା ୪ କୋଟି ୩୨ ଲକ୍ଷ ୩୦ ହଜାର ୧୦୧କୁ ବୃଦ୍ଧି ପାଇଛି । କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟର ତଥ୍ୟ ଅନୁସାରେ ଦୈନିକ ସଂକ୍ରମଣ ହାର ୩ ଦଶମିକ ୨୪ ପ୍ରତିଶତ ଥିବାବେଳେ ସାପ୍ତାହିକ ସଂକ୍ରମଣ ହାର ୨ ଦଶମିକ ୨୧ ପ୍ରତିଶତ ରହିଛି । ଏଥିସହିତ ଦେଶରେ ଚାରି ମାସ ପରେ ସଂକ୍ରମଣର ଦୈନିକ ହାର ତିନି ପ୍ରତିଶତ ଟପିଛି । ଗତ ସପ୍ତାହକ ମଧ୍ୟରେ ଦେଶରେ ଦୈନିକ କରୋନା ସଂକ୍ରମଣ ମାମଲା ୫୦ ହଜାର ଟପିଛି । ମହାରାଷ୍ଟ୍ର, କର୍ଣ୍ଣାଟକ ଓ କେରଳରେ ପୁଣି ବଢୁଛି ସଂକ୍ରମଣ ।