୧୦ ବର୍ଷ ପରେ ବିଦେଶ ଯିବେ ନବୀନ

ଭୁବନେଶ୍ୱର : ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଦେଶ ଯିବା ସୂଚନା ରହିଛି । ଆସନ୍ତା ୨୮ ତାରିଖରେ ମୁଖ୍ୟମନ୍ତ୍ରୀଙ୍କର ୟୁଏଇ ରେ କାର୍ଯ୍ୟକ୍ରମ ରହିଥିବା ସୂଚନା ମିଳିଛି । ୟୁଏଇ ରେ ବିଭିନ୍ନ କାର୍ଯ୍ୟକ୍ରମରେ ଯୋଗଦେବେ ମୁଖ୍ୟମନ୍ତ୍ରୀ । ୟୁଏଇରେ ଇଣ୍ଡଷ୍ଟ୍ରିଆଲ ମିଟ୍ ରେ ଯୋଗଦେବାର କାର୍ଯ୍ୟକ୍ରମ ରହିଛି । ଫିକି, ଇପକଲ୍‌, ସ୍ଥାନୀୟ କନସୁଲେଟଙ୍କ ପକ୍ଷରୁ କାର୍ଯ୍ୟକ୍ରମ ଆୟାଜନ । କାର୍ଯ୍ୟକ୍ରମରେ ଯୋଗଦେବା ସହ ପ୍ରବାସୀ ଓଡିଆଙ୍କୁ ବି ଭେଟିବେ । ମୁଖ୍ୟମନ୍ତ୍ରୀ ଇଟାଲି ମଧ୍ୟ ଯିବା କାର୍ଯ୍ୟକ୍ରମ ରହିଥିବା ସୂଚନା ରହିଛି । ଇଟାଲୀର ରୋମ୍ ଯିବା କାର୍ଯ୍ୟକ୍ରମ ରହିଥିବା ସୂଚନା ରହିଛି । ତେବେ ମୁଖ୍ୟମନ୍ତ୍ରୀଙ୍କ ଗସ୍ତ ନେଇ ସିଏମଓ ପକ୍ଷରୁ ବିଧିବଦ୍ଧ ସୂଚନା ଆସିନି । ନବୀନ ପଟ୍ଟନାୟକ ୨୦୧୨ ମେ ୨୯ ପରେ ବିଦେଶ ଗସ୍ତରେ ଯାଇ ନାହାନ୍ତି । ସେ ସମୟରେ ହୋଇଥିବା “ମିଡ୍ ନାଇଟ ଅପରେସନ” ଘଟଣା କୁ ନେଇ ଆଉ ବିଦେଶ ଗସ୍ତରେ ସାହାସ କରି ଯାଇ ନ ଥିଲେ । ଦୀର୍ଘ ୧୦ ବର୍ଷ ପରେ ଏବେ ବିଦେଶ ଗସ୍ତରେ ଯାଉଛନ୍ତି । ତାଙ୍କ ସଚିବ ଭି.କେ ପାଣ୍ଡିଆନ୍ ମଧ୍ୟ ସାଙ୍ଗରେ ଯାଉଥିବା ଜଣା ପଡିଛି । ଏବେ ସରକାରକୁ କୈାଣସି ବିପଦ ନ ଥିବା କିମ୍ବା ଅତୀତର ମିଡ ନାଇଟ ଅପରେସନ କରିବା ଭଳି କେହି ନେତା ନଥିବା ଯୋଗୁଁ ସମ୍ପୁର୍ଣ୍ଣ ନିରାପଦ ମନେ କରି ମୁଖ୍ୟମନ୍ତ୍ରୀ ଏବେ ବିଦେଶ ଗସ୍ତରେ ଯିବେ ।