କଟକ: ଆସନ୍ତା ୧୨ ତାରିଖରେ କଟକ ବାରବାଟୀ ଷ୍ଟାଡିୟମରେ ଖେଳାଯିବାକୁ ଥିବା ଭାରତ-ଦକ୍ଷିଣ ଆଫ୍ରିକା ଟି-ଟ୍ୱେଣ୍ଟି ମ୍ୟାଚ୍ର ଅନ୍ ଲାଇନ୍ ଟିକେଟ୍ ବୁଧବାର ବିକ୍ରି ହେବ । ଓଡ଼ିଶା କ୍ରିକେଟ୍ ଆସୋସିଏସନ୍ (ଓସିଏ)ର ପୂର୍ବ ସୂଚନା ଅନୁସାରେ, ଟିକେଟ୍ ବୁଧବାର ପୂର୍ବାହ୍ନ ୧୧ଟାରୁ www.insider.in, paytm Insider aap ଏବଂ Paytm App ରେ ଉପଲବ୍ଧ ହେବ ।
ଅନ୍ଲାଇନ ପାଇଁ ମୋଟ୍ ୫ ହଜାର ଟିକେଟ୍ ରହିଛି । କେଉଁ ଗ୍ୟାଲେରୀର କେତେ ଟିକେଟ୍ ଉପଲବ୍ଧ ରହିବ ସେ ନେଇ ଓଡ଼ିଶା କ୍ରିକେଟ ଆସୋସିଏସନ୍(ଓସିଏ)ତରଫରୁ ବିସ୍ତୃତ ତାଲିକା ପ୍ରଦାନ କରାଯାଇଛି । ଟିକେଟ୍ ବୁକ୍ କରିଥିବା ବ୍ୟକ୍ତି ୯ ରୁ ୧୨ ତାରିଖ ପର୍ଯ୍ୟନ୍ତ କାଉଣ୍ଟରରୁ ଟିକେଟ୍ ସଂଗ୍ରହ କରିପାରିବେ ।
୯ ରୁ ୧୧ତାରିଖ ପର୍ଯ୍ୟନ୍ତ କାଉଣ୍ଟର ୧୦ଟାରୁ ୬ଟା ପର୍ଯ୍ୟନ୍ତ ଖୋଲା ରହିବାକୁ ଥିବା ବେଳେ ୧୨ ତାରିଖରେ ୩ଟା ପର୍ଯ୍ୟନ୍ତ ଟିକେଟ୍ ସଂଗ୍ରହ କରିପାରିବେ ଦର୍ଶକ । ବୁକ୍ ହୋଇଥିବା ଅନ୍ଲାଇନ୍ ଟିକେଟ୍ ବଣ୍ଟନ କରିବାକୁ ଭୁବନେଶ୍ୱରର ଇଷ୍ଟ୍କୋଷ୍ଟ୍ ରେଲୱେ ଷ୍ଟାଡିୟମ୍ ଓ କଟକ କ୍ୟାମ୍ବ୍ରିଜ୍ ସ୍କୁଲ୍ କାଉଣ୍ଟରରୁ ଟିକେଟ ସଂଗ୍ରହ କରିପାରିବେ ।
