ପାଟନା: ଲେମ୍ବୁ କାଟିବାରୁ ଘଟି ଯାଇଛି ଜଘନ୍ୟ ହତ୍ୟାକାଣ୍ଡ । ମହିଳା ଚଣ୍ଟି ଚିପି ହତ୍ୟା କଲେ ଶାଶୁ ଓ ନଣନ୍ଦ । ଏଭଳି ଅଭାବନୀୟ ଘଟଣା ଘଟିଛି ବିହାରର ପୂର୍ବଚମ୍ପାରନ ଜିଲ୍ଲାର ଚେନପୁର ଗାଁରେ । ମୃତ ମହିଳା ଜଣଙ୍କ ହେଉଛନ୍ତି ୨୮ ବର୍ଷିୟ କାଜଲ ଦେବୀ । ଗତକାଲି ମହିଳାଙ୍କ ସ୍ୱାମୀ ଓ ଶ୍ୱଶୁର ଘରେ ନଥିବା ସମୟରେ ଏହି ହତ୍ୟାକାଣ୍ଡ ଘଟିଥିଲା ।
ଏନେଇ ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ଶାଶୁ ଓ ନଣନ୍ଦ ହତ୍ୟାକାଣ୍ଡ ପରେ ଫେରାର ହୋଇଯାଇଛନ୍ତି। ତେବେ ମହିଳା ଜଣଙ୍କ ମୁଣ୍ଡରେ କ୍ଷତ ଚିହ୍ନ ଓ ବେକରେ ଦଉଡିର ଚିହ୍ନ ଥିବା ପୋଲିସ ଦେଖିବାକୁ ପାଇଛି । ମୃତଦେହକୁ ବ୍ୟବଚ୍ଛେଦ ପାଇଁ ହସ୍ପିଟାଲକୁ ପଠାଯାଇଛି । ତେବେ ଲେମ୍ବୁ କାଟିବାକୁ ନେଇ ଅନ୍ୟ କୌଣସି କାରଣରୁ ଏପରି ହତ୍ୟାକାଣ୍ଡ ଘଟିଲା ସେନେଇ ପୋଲିସ ତଦନ୍ତ ଆରମ୍ଭ କରିଛି ।
