ମହିଳାଙ୍କୁ ଦୁର୍ବ୍ୟବହାର ନେଇ ମାରପିଟ, ୪ ଗିରଫ

ବ୍ରହ୍ମପୁର: ଜଣେ ମହିଳାଙ୍କୁ ଦୁର୍ବ୍ୟବହାର ସହ ଟଣାଓଟରା କରିବା ଅଭିଯୋଗରେ ଟାଉନ୍ ଥାନା ପୁଲିସ ଦୁଇଟି ଗୋଷ୍ଠୀର ୪ ଜଣ ଯୁବକଙ୍କୁ ଗିରଫ କରି କୋର୍ଟଚାଲାଣ କରିଛି । ଅଭିଯୁକ୍ତମାନେ ହେଲେ ଟାଉନ୍ ଥାନା ଅନ୍ତର୍ଗତ ରାଉଳ ସାହିର ଅନୀଲ ପାତ୍ର, ନରସିଂହ ବେହେରା ଏବଂ ଦୁର୍ଯ୍ୟୋଧନ ବେହେରା ହୋଇଥିବା ବେଳେ ଅନ୍ୟଗୋଷ୍ଠୀର ସାଗର ବିଷୋୟୀ ବୋଲି ପୁଲିସ କହିଛି । ସୂଚନାଯୋଗ୍ୟ ଯେ ଟାଉନଥାନା ଅନ୍ତର୍ଗତ ରାଉଳ ସାହିରେ ସାଗର ବିଷୋୟୀ ସେହି ସାହିର ନରସିଂହ ବେବେରାଙ୍କ ପରିବାର ଲୋକଙ୍କୁ କୌଣସି କାରଣକୁ ନେଇ ଦୁର୍ବ୍ୟବହାର କରିବା ସହ ଜାତିଆଣକୁ ଆକ୍ଷେକରି ଗାଳିଗୁଳଜ କରିଥିଲେ । ଏହାକୁ ନେଇ ଅନୀଲ ଓ ଦୁର୍ଯ୍ୟୋଧନ ନରସିଂହଙ୍କ ସପକ୍ଷରେ ବାହାବାରୁ ସାଗରଙ୍କୁ ହତ୍ୟା କରିବାକୁ ଉଦ୍ୟମ କରିଥିବା ଥାନାରେ ଅଭିଯୋଗ ହୋଇଥିଲା । ଏହି ଘଟଣାକୁ ନେଇ ଉଭୟ ପକ୍ଷରୁ ଟାଉନ୍ ଥାନାରେ ଅଭିଯୋଗ କରିଥିଲେ । ତାଙ୍କ ଅଭିଯୋଗ ଆଧାରରେ ପୁଲିସ ୨ଟି ପୃଥକ ପୃଥକ ମାମଲା ରୁଜୁ କରି ଘଟଣାର ତଦନ୍ତ କରିଥିଲା ।