ଗୁହାଳ ଜଳିଗଲା: ୩ ଗାଈ ଜୀବନ୍ତ ଦଗ୍ଧ

ଡେରାବିଶ: ଡ଼େରାବିଶ ବ୍ଲକ ପଲେଇ ପଂଚାୟତ କନ୍ଦରପୁର ଗ୍ରାମରେ ଗତକାଲି ଏକ ଅଗ୍ନୀକାଣ୍ଡ ଘଟି ଗୋଟିଏ ଗୁହାଳ ସମ୍ପୂର୍ଣ୍ଣ ଜଳିଯାଇଥିବାବେଳେ ୩ଗୋରୁ ଜୀବନ୍ତ ଦଗ୍ଧ ହୋଇଛନ୍ତି । ଘଟଣାରୁ ପ୍ରକାଶ ଯେ ଗତକାଲି ମଧ୍ୟରାତ୍ରରେ ଏହି ଅଗ୍ନୀକାଣ୍ଡ ଘଟିଥିଲା । ଏହି ଅଗ୍ନୀକାଣ୍ଡ ଏତେ ଭୟାବହ ଥିଲାଯେ ଗୁହାଳରୁ ଗୋରୁଙ୍କୁ ଉଦ୍ଧାର କରିବା ସମ୍ଭବପର ହୋଇନଥିଲା । ମଧ୍ୟରାତ୍ରରେ ପ୍ରମୀଳା ସାମଲଙ୍କ ୬ଗୋଟି ଗାଈ ଗୁହାଳରେ ବନ୍ଧା ହୋଇଥିଲେ । ଗୋରୁ ପାଳନ କରି ପ୍ରମୀଳାଙ୍କ ପରିବାର ପ୍ରତିପୋଷଣ ହୋଇଥାନ୍ତି । ତେବେ ଅଗ୍ନୀକାଣ୍ଡ କିପରି ଘଟିଲା ତାହା ଜଣାପଡ଼ିନାହିଁ । ଡ଼େରାବିଶ ଅଗ୍ନୀଶମ ବିଭାଗ ଗାଡ଼ି ଘଟଣାସ୍ଥଳରେ ପହଁଚିଥିଲେ ହେଁ ସେତେବେଳକୁ ସମ୍ପୂର୍ଣ୍ଣ ଜଳିସାରିଥିଲା । ଖବରପାଇ ଆଜି ପ୍ରତ୍ୟୁଷରୁ ପଲେଇ ରାଜସ୍ୱ ନିରୀକ୍ଷକ ଜଇରାମ ବେହେରା ଅଗ୍ନୀକାଣ୍ଡ ସ୍ଥଳରେ ପହଁଚି କ୍ଷୟକ୍ଷତିର ଆକଳନ କରିଛନ୍ତି । ସେହିପରି ପ୍ରାଣୀଚିକିତ୍ସା ଅଧିକାରୀ ୩ଅଦ୍ଧଦଗ୍ଧ ଗୋରୁଙ୍କୁ ଚିକିତ୍ସା କରୁଛନ୍ତି । ଖବରପାଇ ବିଶିଷ୍ଟ ସମାଜସେବୀ ଅଜୟ କୁମାର ରାଉତ ଘଟଣାସ୍ଥଳରେପହଁଚି ବିପନ୍ନଙ୍କୁ ସମବେଦନାଜଣାଇବା ସହ ପାଲ ଓ ଆର୍ଥିକ ସହାୟତାରାଶି ପ୍ରଦାନ କରିଛନ୍ତି ।