ପୁରୀ: ପୁରୀରେ ଘଟିଥିବା ସେବାୟତ କୃଷ୍ଣଚନ୍ଦ୍ରଙ୍କୁ ଗୁଳିକାଣ୍ଡ ଘଟଣାରେ ତଦନ୍ତ ପ୍ରକିୟାକୁ ତ୍ୱରାନ୍ୱିତ କରିଛି ପୁଲିସ୍ । ଘଟଣାକୁ ନେଇ ୪ ଟିମ୍ର ତଦନ୍ତ ଜାରି ରହିଥିବା ବେଳେ ଏହି ଟିମ୍ ଦୁର୍ବୃତ୍ତଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ଚଢ଼ଉ ଜାରି ରଖିଛି । ଅପରପକ୍ଷେ ଆଜି ତାଙ୍କର ଶବ ବ୍ୟବଚ୍ଛେଦ କରାଯାଇଥିବା ବେଳେ ମୃତଦେହରୁ ଦୁଇଟି ଗୁଳି ବାରିଥିବା ଡାକ୍ତର ସୂଚନା ଦେଇଛନ୍ତି । ଗୋଟିଏ ଗୁଳି ମୁଣ୍ଡର ପଛପଟୁ ବାଜି ଆଗପଟେ ବାହାରିଯାଇଥିବା ବେଳେ ଅନ୍ୟ ଏକ ଗୁଳି କଙ୍କାଳରୁ ବାହାରିଥିବା ଡାକ୍ତର ସୂଚନା ଦେଇଛନ୍ତି ।
ସୂଚନା ଯୋଗ୍ୟ ଗତକାଲି ପୁରୀ ବାରବାଟିଠାରେ ଜମି ବିବାଦ ତଥା ପୂର୍ବ ଶତ୍ରୁତାକୁ ନେଇ କୃଷ୍ଣଚନ୍ଦ୍ରଙ୍କୁ ଗୁଳିମାଡ଼ କରାଯାଇଥିଲା । ଗୁଳିମାଡ଼ରେ ଦୁଇ ଦୁର୍ବୃତ୍ତ ସାମିଲ ଥିବା ବେଳେ ବାରବାଟୀ ଠାରେ ପହଞ୍ôଚ ସେମାନେ ପ୍ରଥମେ କୃଷ୍ଣଚନ୍ଦ୍ରଙ୍କୁ ପାଖକୁ ଡାକିଥିଲେ ଏବଂ ସେଠାରେ ଜମି ବିକ୍ରି ପାଇଁ ଡିଲ୍ ହୋଇଥିଲା । ଏହି ସମୟରେ ଉଭୟଙ୍କ ମଧ୍ୟରେ କୌଣସି କାରଣକୁ ନେଇ ବଚସା ହେବା ସହ ସମ୍ପୃକ୍ତ ଦୁଇ ଦୁର୍ବୃତ୍ତ ତାଙ୍କୁ ଗୁଳିମାଡ଼ କରି ଘଟଣାସ୍ଥଳରୁ ଚମ୍ପଟ ମାରିଥିଲେ । ତେବେ ତଦନ୍ତରେ ବାଧା ଆଶଙ୍କା କରି ପୁଲିସ୍ ଏ ସମ୍ପର୍କରେ ଅଧିକ ସୂଚନା ଦେବାକୁ ମନା କରି ଦେଇଛି ।
ସେବାୟତ ହତ୍ୟା ଘଟଣା-କୃଷ୍ଣଚନ୍ଦ୍ରଙ୍କ ଶବରୁ ବାହାରିଲା ୨ ଗୁଳି: ବ୍ୟବଚ୍ଛେଦ ରିପୋର୍ଟ
