ଭୁବନେଶ୍ୱର: ଏଥର ବି କୋଭିଡ କଟକଣା ମଧ୍ୟରେ ଚାଲିବ ବିଧାନସଭା ଅଧିବେଶନ । ପୂର୍ବ ବ୍ୟବସ୍ଥା ଅନୁଯାୟୀ ବିଧାୟକଙ୍କ ବସିବା ପାଇଁ ସ୍ଥାନ ନିରୂପଣ କରାଯାଇଛି । ବିଧାନସଭା ଅଧିବେଶନ ପୂର୍ବରୁ ବିଧାୟକ, ବିଧାୟିକା ଏବଂ କର୍ମଚାରୀଙ୍କ ସମେତ ସାମ୍ବାଦିକଙ୍କ କୋଭିଡ ଟେଷ୍ଟ ହେବ । ୫ ଘଣ୍ଟା ରହିବ ବିଧାନସଭା ଅଧିବେଶନର ଦୈନିକ ସମୟ ଅବଧି । ୨୫ ତାରିଖ ଦିନ ୧୧ଟାରେ ରାଜ୍ୟପାଳ ଅଭିଭାଷଣ ରଖିବେ । ପରେ ପୂର୍ବତନ ମୁଖ୍ୟମନ୍ତ୍ରୀ ହେମାନନ୍ଦ ବିଶ୍ୱାଳ ଓ ପୂର୍ବତନ ବାଚସ୍ପତି ତଥା ବିଧାୟକ କିଶୋର ମହାନ୍ତିଙ୍କ ଉଦ୍ଦେଶ୍ୟରେ ଶୋକ ପ୍ରସ୍ତାବ ଆଗତ ହେବ ।
ଏହାସହ ଦିନ ୪ ଟା ଯାଏ ଗୃହ ମୁଲତବୀ ରହିବ । ପରେ ବିଧାନସଭାର କାର୍ଯ୍ୟସୂଚନା ଅନୁଯାୟୀ ଗୃହ କାର୍ଯ୍ୟ ଚାଲିବ । ଆସନ୍ତା ୩୦ ତାରିଖରେ ବଜେଟ ଉପସ୍ଥାପନ କରିବେ ଅର୍ଥମନ୍ତ୍ରୀ । ସେପଟେ ସର୍ବଦଳୀୟ ବୈଠକରେ ୩ଟି ପ୍ରସ୍ତାବ ରଖିଛି ବିଜେପି । କୋଭିଡ ସ୍ଥିତିରେ ସୁଧାର ଆସିଥିବାରୁ ବିଧାନସଭାର ଦୈନିକ ସମୟ ଅବଧି ବୃଦ୍ଧି କରରିବା ସହ ପ୍ରଶ୍ନକାଳ ଏକ ଘଣ୍ଟା ବଦଳରେ ଦେଢ ଘଣ୍ଟା କରିବାକୁ ଦାବି ହୋଇଛି । ଏହାସହ ବିଧାନସଭାର ସମସ୍ତ ବିଜନେସ୍କୁ ଲାଇଭ୍ ଟେଲିକାଷ୍ଟ କରାଯାଉ ବୋଲି କହିଛି ଦଳ ।
