ପୁରୀ ଐତିହ୍ୟ ପ୍ରକଳ୍ପ: ଜିଲ୍ଲାପାଳ ଆଗରୁ କହୁଥିଲେ ଅନୁମତି ମିଳିଛି, ଏବେ କହୁଛନ୍ତି ମଗାଯାଇଛି

ପୁରୀ : ଶ୍ରୀମନ୍ଦିର ଐତିହ୍ୟ ପ୍ରକଳ୍ପ ବିବାଦକୁ ନେଇ ଏବେ ବିଭିନ୍ନ ମହଲରେ ସମାଲୋଚନା କରାଯାଉଛି । ରାଜନୈତିକ ବ୍ୟକ୍ତି ବିଶେଷଙ୍କ ଠାରୁ ଧରି ବୁଦ୍ଧିଜୀବୀ ମହଲରେ କେବଳ ସେଇ ଗୋଟିଏ ଚର୍ଚ୍ଚା । ଶ୍ରୀମନ୍ଦିର ସୁରକ୍ଷିତ ତ । ଗତ ଦିନକ ତଳେ ଏନ୍‌ଏମ୍‌ଏ ଚିଠି ଓ ଏଏସ୍‌ଆଇ ଡିଜିଙ୍କ ଭିଜିଟ୍ ନୋଟ୍‌ରେ ଉଲେ୍‌ଲ୍ଲଖ ଥିଲା ଯେ, ଶ୍ରୀମନ୍ଦିର ସୁରକ୍ଷା ଦୃଷ୍ଟିରୁ ୧୦୦ ମିଟର ବାହାରେ ନିର୍ମାଣ ଓ କେଉଁ ଜାଗାରେ ନିର୍ମାଣ କାର୍ଯ୍ୟ କରାଯାଉଛି, ତା‌ର ଯଥାର୍ଥ ପ୍ରମାଣ ଦିଅ ।  ଯଦି ସେତେ ଜରୁରୀ ନୁହେଁ, ଏହାକୁ ‌ରେଗୁଲେଟେଡ୍ ଏରିଆରେ କରିବାକୁ କୁହାଯାଇଥିଲା। ଏଭଳି ସ୍ଥିତିରେ ପୁରୀ ଜିଲ୍ଲାପାଳଙ୍କ ବୟାନକୁ ନେଇ ପ୍ରକଳ୍ପ ଉପରେ ସନ୍ଦେହଜାତ ହୋଇଛି । ଜିଲ୍‌ଲ୍ଲାପାଳ ସମର୍ଥ ବର୍ମା ଗଣମାଧ୍ୟମ ଆଗରେ ଶ୍ରୀମନ୍ଦିର ପରିକ୍ରମା ପ୍ରକଳ୍ପର କିଛି କାମ ଉପରେ ପରିବର୍ତ୍ତିତ ନକ୍ସାର ନିର୍ମାଣ ଅନୁମତି ଏନ୍‌ଏମ୍‌ଏଠାରୁ ମଗାଯାଇଥିବା ସ୍ୱୀକାର କରିଛନ୍ତି। ଦେଢ଼ ମାସ ତଳୁ ଏହି ଆବେଦନ କରାଯାଇଥିଲେ ବି ଏହାର ଅନୁମତିପତ୍ର ହସ୍ତଗତ ହୋଇନି ‌ବୋଲି ସେ କହିଛନ୍ତି। ପୂର୍ବରୁ ଏନ୍‌ଏମ୍‌ଏ ଅନୁମତି ମିଳି ସାରିଛି ଯେଉଁ ଜିଲ୍‌ଲ୍ଲାପାଳ କହୁଥିଲେ ଆଜି ସେ ହଠାତ୍ କିଛି ପ୍ରକଳ୍ପର ଅନୁମତି ମିଳିନି ବୋଲି କହିବା ପୁଣିଥରେ ଐତିହ୍ୟ କରିଡର ପ୍ରକଳ୍ପ ଆହୁରି ବିବାଦୀୟ ହୋଇପଡ଼ିଛି । କିଛିଦିନ ତଳେ ପ୍ରତ୍ନତତ୍ତ୍ୱ ବିଭାଗ ଡିଜି ଭି. ବିଦ୍ୟାବତୀ ଶ୍ରୀମନ୍ଦିର ପରିଦର୍ଶନରେ ଆସି ସୁରକ୍ଷା ବ୍ୟବସ୍ଥା ଯାଞ୍ଚ କରିବା ସହ ଐତିହ୍ୟ କରିଡର ପ୍ରକଳ୍ପ ବୁଲି ଦେଖିଥିଲେ। ଏହି ଅବସରରେ ଡିଜି ଶ୍ରୀମନ୍ଦିର ୧୦୦ ମିଟର ପରିଧି ନିଷିଦ୍ଧାଞ୍ଚଳ ବୋଲି ଯୁକ୍ତି ବାଢ଼ିବା ସହ ଏହା ବାହାରେ ନିର୍ମାଣ କରିବାକୁ ଯୁକ୍ତି ବାଢ଼ିଥିଲେ। ଯାହାର ଭିଜିଟ୍ ନୋଟ୍ ଏବେ ଭାଇରାଲ୍ ହେବାରେ ଲାଗିଛି। ଏହି ଭିଜିଟ୍ ନୋଟ୍ କେତେ ସତ, କେତେ ମିଛ ଜଣାପଡ଼ିଥିଲେ ବି ନୋଟ୍‌ର ଦ୍ୱିତୀୟ ପାରାରେ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଅଧୀନ ରିସେପ୍ସନ୍ ସେଣ୍ଟର ଓ ଅନ୍ୟ କିଛି ପ୍ରକଳ୍ପ ଉପରେ ଡିଜି ଆପତ୍ତି ଉଠାଇଛନ୍ତି । ଏପରିକି ଏହି ପ୍ରକଳ୍ପ ଶ୍ରୀମନ୍ଦିରର ଚତୁଃପାଶ୍ୱର୍ ୧୦୦ ମିଟର ବାହାରେ ଅର୍ଥାତ୍ ରେଗୁଲେଟେଡ୍ ଏରିଆ ବାହାରେ କରିବାକୁ ଯୁକ୍ତି ବାଢ଼ିଛନ୍ତି। ଶ୍ରୀମନ୍ଦିର ସୁରକ୍ଷା ଦୃଷ୍ଟିରୁ ଏହା କରିବାକୁ ସେ ମତ ଦେଇଛନ୍ତି। କିନ୍ତୁ ଆରମ୍ଭରୁ ଏହାକୁ ଘଣ୍ଟ ଘୋଡ଼ାଇଥିଲେ ଜିଲ୍ଲାପାଳ ଓ ଅନ୍ୟ ଅଧିକାରୀ। ଏବେ ଯେତେବେଳେ ସତ ଜଣାପଡ଼ିଥିଲା, ସେତେବେଳେ ଜିଲ୍ଲାପାଳ କଥା ଗୋଳାଇବା ଆରମ୍ଭ କରିଛନ୍ତି। ପରିକ୍ରମା ପ୍ରକଳ୍ପର ଅଳ୍ପ କିଛି ପ୍ରକଳ୍ପରେ ସଂଶୋଧନ ପାଇଁ ଏନ୍‌ଏମ୍‌ଏ କହିଥିଲା। ଆବଶ୍ୟକ ସଂଶୋଧନ କରି ଆମେ ଦେଢ଼ ମାସ ତଳୁ ଏନ୍‌ଏମ୍‌ଏକୁ ପଠାଇ ସାରିଛୁ। କିନ୍ତୁ ଏହାର ଅନୁମତିପତ୍ର ଆସିନି ବୋଲି ଜିଲ୍ଲାପାଳ ଶ୍ରୀ ବର୍ମା କହିଛନ୍ତି। ପୂର୍ବରୁ ଯେଉଁ ଜିଲ୍ଲାପାଳ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ପାଇଁ ସବୁ ଅନୁମତି ମିଳି ସାରିଛି ବୋଲି କହୁଥିଲେ, ସେ ଏଭଳି ମତ ବଦଳାଇବା ହଠାତ୍ ବିବାଦ ଆହୁରି ଘନେଇବାରେ ଲାଗିଛି । ଅପରପକ୍ଷେ ଛତିଶାନିଯୋଗ ବୈଠକରେ ବି ଐତିହ୍ୟ କରିଡର ପ୍ରକଳ୍ପକୁ ନେଇ ସେବାୟତମାନେ ଜିଲ୍ଲାପାଳ ଓ ଅନ୍ୟ ଅଧିକାରୀଙ୍କୁ ପ୍ରଶ୍ନ କରିଛନ୍ତି। ପ୍ରକଳ୍ପରେ କ’ଣ ଅଛି, ତାର ନକ୍ସା ସାର୍ବଜନୀନ କରାଯାଉ ବୋଲି ବୈଠକରେ ଦାବି କରିଛନ୍ତି।