ମୁମ୍ବାଇ: ଦମ୍ଦାର ଅଭିନୟ ପାଇଁ ଲୋକପ୍ରିୟତା ହାସଲ କରିଥିବା ଭୂମି ପେଡ୍ନେକର ଏବେ ନିଜର ଅପ୍କମିଙ୍ଗ ଫିଲ୍ମକୁ ନେଇ ଚର୍ଚ୍ଚାରେ । ସୁଧୀର ମିଶ୍ରାଙ୍କ ଅପ୍କମିଙ୍ଗ ଫିଲ୍ମ ‘ଆଫ୍ୱା’ରେ ପ୍ରଥମ ଥର ନୱାଜୁଦ୍ଦିନ୍ ସିଦ୍ଦିକିଙ୍କ ସହ ସେ ସ୍କ୍ରିନ୍ ସେୟାର କରିବେ । ଏହି ଥ୍ରିଲର୍ ଫିଲ୍ମଟି ଭୂଷଣ କୁମାରଙ୍କ ଟି-ସିରିଜ୍ ଓ ଅନୁଭବ ସିହ୍ନାଙ୍କ ବନାରସ ମିଡିଆୱାର୍କସ ଦ୍ୱାରା ପ୍ରସ୍ତୁତ ହେବ ।
ଭୂମି ନିଜ ଇନ୍ଷ୍ଟା ଆକାଉଣ୍ଟରେ ଫିଲ୍ମ ବିଷୟରେ ପ୍ରଶଂସକଙ୍କୁ ସୂଚନା ଦେଇଛନ୍ତି । ଲେଖିଛନ୍ତି ‘ଏ ବର୍ଷର ସବୁଠୁ ବଡ଼ ‘ଅଫ୍ୱା’ରେ ଔପଚାରିକ ଅଂଶଗ୍ରହଣ କରିଛି । ଭର୍ସାଟାଇଲ୍ ଅଭିନେତା ନୱାଜୁଦ୍ଦିନ ଓ ନିର୍ଦ୍ଦେଶକ ସୁଧୀର ମିଶ୍ରାଙ୍କ ସହ କାମ କରିବାକୁ ନେଇ ମୁଁ ଅତ୍ୟନ୍ତ ଉତ୍ସାହିତ । ଖୁବ୍ଶୀଘ୍ର ଫିଲ୍ମର ସୁଟିଂ ଆରମ୍ଭ ହେବ ।’
