କଟକ: ବିଭିନ୍ନ ଜିଲ୍ଲାରେ ଡ଼କାୟତି କରୁଥିବା ଗ୍ୟାଙ୍ଗକୁ ଧରିଛି କମିଶନରେଟ୍ ପୁଲିସ । ଏହି ଗ୍ୟାଙ୍ଗ ବନ୍ଧୁକ ମୁନରେ କରୁଥିଲେ ଲୁଟ୍ । ଗନ ପଏଣ୍ଟ ସାହାଯ୍ୟରେ ଲୁଟୁଥିଲେ ବାଇକ୍ । ଏହି ଦୁଇ ଜଣ ଆନ୍ତଃଜିଲ୍ଲା ଡକାୟତଙ୍କୁ ଦରଘାବଜାର ଥାନା ପୁଲିସ ଆଜି ଗିରଫ କରିଛି। ଖୋର୍ଦ୍ଦା ବାଲୁଗାଁ ଗଣ୍ଡରପୁରର ବର୍ଲା ଓରଫ ବଳ ଓରଫ ସୁରେଶ ଗଜେନ୍ଦ୍ର(୩୬) ଓ ଯାଜପୁର ଜିଲ୍ଲା ବାଲିଚନ୍ଦ୍ରପୁରର ମୁସ୍ତାକିରୀ ଅଞ୍ଚଳର ଦୀପୁ ଓରଫ ଅସିତ କୁମାର କର(୩୪)କୁ ଗିରଫ କରାଯାଇଛି । ଏମାନଙ୍କ ଠାରୁ ଗୋଟିଏ ପିସ୍ତଲ, ୪ଟି ଅଫୁଟା ଗୁଳି, ଗୋଟିଏ ପଲସର ଓ ସ୍କୁଟି, ଦୁଇଟି ମୋବାଇଲ ଜବତ ହୋଇଛି ।
ସୂଚନାଯୋଗ୍ୟ କଦମରସୁଲ ଅଞ୍ଚଳରେ ରହୁଥିବା ଅବଦୁଲ ଫୟାଜୁଦ୍ଦିନ ସୋମବାର ଅପରାହ୍ନ ପ୍ରାୟ ୪ଟା ବେଳେ ଗୌରୀଶଙ୍କର ପାର୍କ ପଛରେ ଗାଡି ଧରି ଠିଆ ହୋଇଥିଲେ । ଏହି ସମୟରେ ଗୋଟିଏ ପଲସର ବାଇକରେ ତିନି ଜଣ ଯୁବକ ଆସି ସେଠାରେ ଅଟକିଥିଲେ। ହଠାତ୍ ଏହି ଦୁବୃର୍ତ୍ତମାନେ ଅବଦୁଲଙ୍କୁ ଗାଳିଗୁଲଜ କରିବା ସହ ଜଣେ ବନ୍ଧୁକ ଦେଖାଇ ଗାଡଡ଼ ଛଡାଇବାକୁ ଉଦ୍ୟମ କରିଥିଲା । ମାତ୍ର ଅବଦୁଲ ଗାଡି ଚାବି ଦେଇନଥିଲେ । ଉଭୟଙ୍କ ଭିତରେ ଧସ୍ତାଧସ୍ତି ଆରମ୍ଭ ହୋଇଯାଇଥିଲା । ଏହି ସମୟରେ ଖୁବ୍ଜୋର୍ରେ ଅବଦୁଲ ଚିତ୍କାର କରିଥବଲେ । ତାଙ୍କର ପାଟି ଶୁଣି ଆଖପାଖର ବ୍ୟବସାୟୀ ଦୁଇଜଣ ଦୁର୍ବୃତ୍ତଙ୍କୁ କାବୁ କରିନେଇଥିଲା ବେଳେ ଆଉ ଜଣେ ଗଟଣାସ୍ଥଳରୁ ଚମ୍ପଟ ମାରିଥିଲା ।ଖବର ପାଇ ଦରଘାବଜାର ପିସିଆର ଘଟଣାସ୍ଥଳରେ ତୁରନ୍ତ ପହଞ୍ôଚଯାଇଥିଲା ।
ଦୁଇ ଯୁବକଙ୍କୁ ଆଣି ଥାନାରେ ଅଟକ ରଖିଥିଲା । ଜେରାକରିବା ପରେ ଜେରା ପରେ ଅଭିଯୁକ୍ତ ଦ୍ୱୟ କୁଖ୍ୟାତ ଅପରାଧୀ ବୋଲି ପୁଲିସ ଜାଣିପାରିଥିଲା । ଏହିଗ୍ୟାଙ୍ଗ୍ ବିଭିନ୍ନ ଜିଲ୍ଲା ବୁଲି ଡକାୟତି, ଲୁଟପାଟ କରୁଥିଲେ । ଗ୍ୟାଙ୍ଗ ଲିଡର ବଳ ଜଣେ ଦୁର୍ଦ୍ଦାନ୍ତ ଅପରାଧୀ ତା ବିରୋଧରେ ବିଭିନ୍ନ ଥାନାରେ ୩୧ ଟି ରହିଛି । ୨୦୧୦ରେ ଏକ ଡକାୟତି ମାମଲାରେ ସେ ଦୋଷୀ ସାବ୍ୟସ୍ତ ହୋଇ ଜେଲରେ ଥିଲା । ଜାମିନରେ ଆସିବା ପରେ ପୁଣି ଲୁଟ୍ପାଟ୍ ଆରମ୍ଭ କରିଥିଲା । ସେହିପରି ଅଭିଯୁକ୍ତ ଅଜିତ ବିରୋଧରେ ୭ଟି ମାମଲା ରହିଛି ବୋଲି ପୁଲିସ କହିଛି ।
