ଟେକ୍ସାସ: ଆକାଶରୁ ମାଛ ବର୍ଷା ହେବା ବେଳେ କେବେ ଦେଖିଛନ୍ତି କି? ଏହା ଏକ ଅଦ୍ଭୁତ ଘଟଣା, କାରଣ ମାଛ ତ ପାଣି ଭିତରେ ରୁହେ, ଆକାଶରୁ କିପରି ଆସିବ? ତେବେ ଟେକ୍ସାସରେ ଏଭଳି ଏକ ଅଦ୍ଭୁତ ଘଟଣା ବୁଧବାର ଦିନ ଦେଖିବାକୁ ମିଳିଛି।
Texarkana Gazette ର ସୂଚନା ଅନୁସାରେ ଟେକ୍ସାସ ସହର ଏବଂ ସ୍ଥାନୀୟ ଅଞ୍ଚଳରେ ମାଛ ବର୍ଷା ହୋଇଥିବାର ଦେଖିବାକୁ ମିଳିଛି। ଡାଲାସ୍ ଠାରୁ ପ୍ରାୟ ୨୦୦ ମାଇଲ୍ ଦୂର ଟେକ୍ସାର୍କାନା ସହରରେ ବୁଧବାର ଦିନ ଆକାଶରୁ ମାଛ ଖସିଥିବା କଥା କହିଛନ୍ତି। ସ୍ଥାନୀୟ ଲୋକଙ୍କ ଅଗଣା ଓ ରାସ୍ତା କଡ଼ରେ ଏହି ସବୁ ମାଛ ପଡିଥିବାର ଦେଖିବାକୁ ମିଳିଥିଲା ବୋଲି KXXVରେ ରିପୋର୍ଟ ପ୍ରକାଶ ପାଇଛି। ଲୋକମାନେ ମଧ୍ୟ ନିଜ ନିଜର ଫେସବୁକ୍ ଓ ସୋସିଆଲ ମିଡିଆ ପ୍ଳାଟଫର୍ମରେ ଏହି ସମୟର ଭିଡିଓ ସେୟାର କରିଛନ୍ତି।
