୫୯ ଇନ୍ସିପେକ୍ଟର ହେଲେ ଡ଼ିଏସ୍‌ପି

ଭୁବନେଶ୍ୱର :  ରାଜ୍ୟପୁଲିସର ୫୯ଜଣ ଇନ୍ସିପେକ୍ଟରଙ୍କ ଡ଼ିଏସ୍‌ପି ପାହ୍ୟାକୁ ପଦୋନ୍ନତି ହୋଇଛି । ଏନେଇ ଗୃହବିଭାଗ ପକ୍ଷରୁ ମଙ୍ଗଳବାର ଏକ ବିଜ୍ଞପ୍ତି ପ୍ରକାଶ ପାଇଛି । ଏହି ଅଧିକାରୀମାନେ ଦାୟିତ୍ୱ ନେବା ପରେ ଲେବେଲ-୧୨ ଅନୁଯାୟୀ ଦରମା ବୃଦ୍ଧି ହେବା ସହ ଅନ୍ୟାନ୍ୟ ସୁବିଧା ସୁଯୋଗ ମିଳିବ ବୋଲି କୁହାଯାଇଛି । କମିଶନରେଟ୍ ପୁଲିସରେ କାର୍ଯ୍ୟରତ ଦୁଇଜଣ ଥାନାଧିକାରୀ ଡ଼ିଏସ୍‌ପି ହୋଇଛନ୍ତି । ସେମାନେ ହେଲେ ଚନ୍ଦ୍ରଶେଖରପୁର ଥାନା ଅଧିକାରୀ ପ୍ରଦୀପ କୁମାର ରାଉତ ଓ ସହିଦନଗର ଥାନାର ଥାନା ଅଧିକାରୀ ହିମାଂଶୁ ଭୂଷଣ ସ୍ୱାଇଁ । ସେହିପରି ଜୟନାରାୟଣ ପଟେଲ, ଶ୍ରୀନିବାସ ସାମଲ, ସୁଶାନ୍ତ କୁମାର ତଡୁଆ, ଗୌରାଙ୍ଗ ଚରଣସାହୁ, ଚନ୍ଦ୍ରଶେଖର ଶବର, ଅକ୍ଷୟ କୁମାର ନାୟକ, ଅସ୍ମିତା ପାରମିତା, କଳ୍ପନା ସାହ, କମଳା କୁମାର ପଣ୍ଡା, ଅମିତାବ ମହାପାତ୍ର, ଅଭିନାଷ ଡାଳୁଆଙ୍କ ସମେତ ୫୯ ଜଣ ଇନ୍ସପେକ୍ଟରଙ୍କୁ ଡିଏସ୍‍ପି ପାହ୍ୟାକୁ ପଦୋନ୍ନତି ମିଳିଛି ।