ସାଉଥ ଅଭିନେତ୍ରୀ ଉମା ମହେଶ୍ୱରୀଙ୍କ ପରଲୋକ

ନୂଆଦିଲ୍ଲୀ : ଫିଲ୍ମ ଇଣ୍ଡଷ୍ଟ୍ରୀକୁ ପୁଣି ଏକ ଝଟକା । ସାଉଥ ଅଭିନେତ୍ରୀ ଉମା ମହେଶ୍ୱରୀଙ୍କ ୪୦ ବର୍ଷ ବୟସରେ ଦେହାନ୍ତ। ମେଟି ଅଲି ନାମକ ସାଉଥ୍ ସୋରୁ ଖ୍ୟାତି ଅର୍ଜନ କରିଥିବା ଏହି ଅଭିନେତ୍ରୀଙ୍କ ଏତେ କମ ବୟସରେ ଦୁନିଆକୁ ବିଦାୟ ସମସ୍ତଙ୍କୁ ଚକିତ କରିଛି। ଗତ କିଛି ଦିନ ହେବ ଉମା ମହେଶ୍ୱରୀଙ୍କ ସ୍ୱାସ୍ଥ୍ୟାବସ୍ଥା ଭଲ ନଥିଲା। ମୃତ୍ୟୁର କିଛି ସମୟ ପୂର୍ବରୁ ସେ ଅସହଜ ଅନୁଭବ କଲେ ଏବଂ ହଠାତ୍ ତଳେ ପଡ଼ିଗଲେ। ଏହା ପରେ ତାଙ୍କୁ ମୃତ ଘୋଷଣା କରାଗଲା। ଜଣେ ପ୍ରସିଦ୍ଧ ଅଭିନେତ୍ରୀଙ୍କ ହଠାତ୍ ଦେହାନ୍ତ ହେବା ଫିଲ୍ମ ଜଗତରେ ଶୋକର ଲହରୀ ଖେଳିଯାଇଛି। ଉମାଙ୍କ ମା’ ଭୂମିକାରେ ଅଭିନୟ କରୁଥିବା ଅଭିନେତ୍ରୀ ଶାନ୍ତି ୱିଲିୟମ୍ସ ଏହା ଉପରେ ଦୁଃଖ ପ୍ରକାଶ କରି କହିଛନ୍ତି, ଉମା ମୋର ଏକ ଝିଅ ପରି ଥିଲା। ତାର ମୃତ୍ୟୁ ବିଷୟରେ ଶୁଣି ମୁଁ ଆଶ୍ଚର୍ଯ୍ୟ ହୋଇଗଲି। ମୁଁ ଜାଣେ ନାହିଁ କାହିଁକି ଈଶ୍ବର ଏତେ କମ୍ ବୟସ ବଞ୍ଚିଥିବା ଲୋକଙ୍କୁ ନେଇଯାଆନ୍ତି। ଯେତେବେଳେ ଆମେ ଏପରି ଘଟଣା ଘଟୁଥିବାର ଦେଖୁ, ବେଳେବେଳେ ଈଶ୍ବରଙ୍କ ଅସ୍ତିତ୍ୱ ସନ୍ଦେହଜନକ ହୋଇଯାଏ।