ଓଏଏସ୍ ସ୍ତରରେ ଅଦଳବଦଳ

ଭୁବନେଶ୍ୱର: ଓଏଏସ୍ ସ୍ତରରେ ଛୋଟ ଧରଣର ଅଦଳବଦଳ ହୋଇଛି । ସମ୍ବଲପୁର ମ୍ୟୁନିସପାଲିଟି କର୍ପୋରେସନର ପୂର୍ବତନ କମିଶନର ଅନିରୁଦ୍ଧ ପ୍ରଧାନ ଆର୍‌ଡିସିଙ୍କ କାର୍ଯ୍ୟାଳୟରେ ରେଜିଷ୍ଟ୍ରର ଭାବେ ବଦଳି ହୋଇଛନ୍ତି । ସେ ମଧ୍ୟ ସମ୍‌ଲେଇ ବିକାଶ ପ୍ରକଳ୍ପରେ ଓଏସ୍‌ଡି ଭାବେ ଅତିରିକ୍ତ ଦାୟିତ୍ୱ ତୁଲାଇବେ । ସମ୍ବଲପୁର ବିଶ୍ୱବଦ୍ୟାଳୟର ପୂର୍ବତନ ରେଜିଷ୍ଟ୍ରର ସୀତାରାମ ପଟେଲ ଅତିରିକ୍ତ ଆଇଜି ଭାବେ ଭୁବନେଶ୍ୱରସ୍ଥ ଜେଲ ନିର୍ଦ୍ଦେଶାଳୟକୁ ବଦଳି ହୋଇଛନ୍ତି । ସେହିପରି ଓଏଏସ ଅଧିକାରୀ ତଥା ଗଞ୍ଜାମ ଉପଜିଲ୍ଲାପାଳ ଡ. ବିଜୟାନନ୍ଦ ସେଠୀ ପାଟଣାଗଡ଼ରେ ଉପଜିଲ୍ଲାପାଳ ଭାବେ ବଦଳି ହୋଇଥିଲାବେଳେ ଦଶପଲ୍ଲା ତହସିଲଦାର ଅକ୍ଷୟ କୁମାର ଖେମୁଣ୍ଡୁ ମାଲକାନାଗିରିର ଉପଜିଲ୍ଲାପାଳ ଭାବେ ବଦଳି ହୋଇଛନ୍ତି । ଏନେଇ ସାଧାରଣ ପ୍ରଶାସନ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି ।